Dönya matbuğatına küzätü 5.07.2017

Qayber çit il basmalarına küzätü

Dönya matbuğatına küzätü 5.07.2017

Angliyäneň “Reuters” xäbär agentlığı “Törkiyä Berlinda Ärdoğannı maqsat itep alğan ğamälgä rizasızlıq belderde” isemle yazmasında Törkiyäneň Germaniyada Phlipp Ruch isemle sänğät’çeneň qotqılı ğamälen kisken räweştä ğayepläwen citkerä.

Tışqı êşlär ministrlığınıň bu xaqtağı yazma belderüendä Germaniya poliŝiyäseneň plakatqa qarata bernärsä dä êşlämäweneň mäs’äläne tağın da citdi xälgä kiterüe belderelä.

Amerika Quşma Ştatlarınıň “AP” xäbär agentlığı “Çavuşoğlu nindi dä bulsa tınıçlıq kileşüe qısasında ğaskärlärneň Kiprdan kitmäyäçägen belderde” isemle xäbärendä Törkiyä tışqı êşlär ministrı Mävlüt Çavuşoğlunıň êtnik bularaq bülengän Kiprnıň berläşüe öçen ğamälgä aşırılaçaq nindi dä bulsa kileşü qısasında törek ğaskärläreneň utrawda qalunı däwam itteräçägen belderde.

Agentlıq beldergänçä, Şveŝariyädä däwam itüçe Kipr konferenŝiyäsendä jurnalistlarğa belderü yasawçı Mävlüt Çavuşoğlu törek ğaskärläreneň utrawdan tulısınça çigenüe turında xıyallanuçılarnıň töş kürüdän uyanuları kiräklegen citkerde.

Germaniyanıň “DPA” xäbär agentlığı “Awrupa Berlege komissarı Oettinger Törkiyä belän qaçaq kileşüen ozınaytu yaqlı” isemle xäbärendä Awrupa Berlege komissarı Günther Oettingerneň Awrupanıň Törkiyä belän qaçaq kileşüen ozınaytu yaqlı buluı turında äytüen citkerä.

Xäbärdän kürengänçä, Oettinger ber gazetağa birgän interv’yusında Törkiyädä sıyınuçılarğa yärdäm öçen 2016 häm 2017 nçe yıllar öçen tuplam 3 milliard yevronıň garantiyälänüen häm bu aqçanıň yıl azağına qadär citäçägen belderä.  

Azärbaycannıň “Trend” xäbär agentlığı “Törkiyä häm Azärbaycan urtaq êşçänlek törkeme cıyılışı” isemle xäbärendä Törkiyä belän Azärbaycan arasında mäğarif tarmağındağı xezmättäşlekne kamilläşterü öçen buldırılğan êşçänlek törkemeneň täwge cıyılışın Baqıda uzdıruın xäbär itä.

 Azärbaycan mäğarif ministrı Mikayıl Cabbarov biredä yasağan çığışında ike il mönäsäbätläreneň unikal’ buluın, mäğarif tarmağında da mönäsäbätlärneň bik yaxşı buluın assızıqladı. Cabbarov meňnärçä azärbaycan studentınıň Törkiyädä ,törek uquçı yäş’lärneň dä Azärbaycanda belem aluına basım yasadı. 

 

 



Bäyläneşle xäbärlär