Dön'ya matbuğatına küzätü 28.06.2017

Qayber çit il basmalarına küzätü

Dön'ya matbuğatına küzätü 28.06.2017

Awrupanıñ “Euronews” kanalı “Kipr probleması öçen yaña çişeleş şansı” dip atalğan xäbärendä Berläşkän Millätlär Oyışmasınıñ küzätüendä oyıştırılğan Kipr konferenśiyasınıñ çärşämbe könne Şveyśariyanıñ Crans-Montana şähärendä başlayaçağın belderä.

Rusiyäneñ “Sputnik” xalıqara xäbär agentlığı Rusiyäneñ “RT” televideniyäsenä äñgämä birüçe Törkiyä êlekke ilbaşı Abdullah Gülneñ: “Änkaranıñ körd xalqına tügel, “PKK” separatist terror oyışması belän bäyläneşle körd törkemnärenä qarşı buluın,” – dip äytkän süzlären citkerä.

Amerika Quşma Ştatlarınıñ “Amerika awazı” radiosı “Awrupadağı töreklär arasında Ärdoğanğa yaqlaw yuğarı” isemle yazmasında Germaniya, Franśiya häm Niderlandta yäşäwçe ikençe häm öçençe buın töreklär arasında “Säyäsi häm sośial’ qatnaşu” temalı xisapnıñ näticäläre belän urtaqlaşa.

QHA Qırım xäbär agentlığı “Ukraina Törkiyägä igençelek uñışların cibärüne arttıra ala” dip atalğan yazmasında Ukraina igençelek säyäsäte häm azıq-tölek ministrı urınbasarı Ol’ga Trofimśevanıñ Awrupada igençelek uñışların citeşterüdä 4nçe urında bulğan häm igençelek tarmağında köçle aktyor bulğan Törkiyäneñ Ukraina belän ber rättän başqa illärdän zur külämdä bertörkem êşlänmä importlawın däwam itüen äytüen belderä.



Bäyläneşle xäbärlär