Dön'ya matbuğatına küzätü 14.06.2017

Qayber çit il basmalarına küzätü

Dön'ya matbuğatına küzätü 14.06.2017

Angliyanıñ “Royters” agentlığı “Ärdoğan Qatarnıñ izolyaśiyälänelüeneñ İslami bulmawın äytte” isemle yazmasında Törkiyä İlbaşı Räcäp Tayyip Ärdoğannıñ Qatarnıñ kürşe illär tarafınnan izolyaśiyälänelüen gäyepläde häm monıñ İslami qimmätlärgä tiskäre buluın äytüen citkerä:

“Ärdoğan “Ğadälät häm qalqınu” partiyasınıñ parlamenttağı törkem cıyılışında yasağan çığışında: “Qatarda bik citdi yalğışlıqqa kerelüen küräbez. Ber il xalqın här mäğnädä izolyaśiyälärgä totınu insani tügel, İslami hiç tügel. Xaqında äyterseñ ülem qararına kilengän il turında süz bara. Qatar – “DEAŞ” terror oyışmasına qarşı Törkiyä belän bergä iñ qatği totışın kürsätkän il. Yala yağu kampaniyaları belän Qatarnı gäyeple kebek kürsätüneñ töbäkkä bernindi faydası yuq”, - dip äytte. Ärdoğannıñ Soğud Ğäräbstanı, Berläşkän Ğaräp Ämirlekläre, Baxreyn häm Misırnıñ Qatar belän mönäsäbätlärne özep, kisken sankśiyälärne ğamälgä kertä başlawınnan sigez könnän soñ yasağan şuşı açıqlawları Dohanıñ töbäktäge köçle urtağı (partnyorı) tarafınnan yasalğan iñ kisken qatışu üzençälegendä.”

İtaliyanıñ “Askan'yus” basması mäqaläsen Ärdoğannıñ: “Ğiraq Körd regional’ citäkçelegeneñ bäysezlek referendumı “yanawdır”” dip äytkän süzläre belän atağan:

“25nçe sentäbr’dä Ğiraq körd regional’ citäkçelegendä referendum ütkäreläçäge turındağı xäbärgä reakśiya kürsätkän Törkiyä İlbaşı Räcäp Tayyip Ärdoğan kiçä yasağan belderüensä: "Tön’yaq Ğiraqnıñ (Ğıyraqnıñ) bäysezlegenä yünälgän adım yasaw xatadır häm Ğiraqnıñ (Ğıyraqnıñ) cir bötenlege öçen yanaw bulıp tora”, - dip äytte. “Mondıy referendumnıñ berkemgä dä faydası bulmawın” assızıqlawçı Ärdoğan: "Ğiraqnıñ (Ğıyraqnıñ) cir bötenlegen härwaqıt yaqladıq häm yaqlarğa däwam itäçäkbez”, - dip äytte.

Amerika Quşma Ştatlarınıñ “Assoşiäyted Press” agentlığı “Prem'yer-ministr: Törkiyä Awrupa Berlege äğzälek söyläşülärenä däwam itärgä teli” isemle yazmasında Törkiyä prem'yer-ministrınıñ ileneñ Awrupa Berlege belän äğzalek söyläşülärenä däwam itärgä teläwen belderä:

“Kiçä Bolgariya xezmättäşe belän ütkärgän matbuğat oçraşuında çığış yasawçı Prem'yer-ministr Binali Yıldırım: “Törkiyä bularaq Awrupa Berlege belän tulı äğzalek söyläşülären däwam itärgä telibez. Bezdä bu iradä bar”, - dip äytte. Törkiyä belän Awrupa Berlege arasında uzğan yılda qul quyılğan vizasız säyäxät häm Awrupağa möhacir ağımın totqarlaw öçen kire qabul itü kileşüen töğayen bularaq tormışqa aşıru mömkinlege bulmawın belderüçe Yıldırım vizasız säyäxätneñ häm kire qabul itüneñ “prinśipta” beryulı ğamälgä kertelüe zarurlığın assızıqladı.

Rusiyäneñ “Ria Novosti” agentlığı “Mäskäwdä 16nçı-18nçe iyün’dä Törkiyä festivale uzaçaq” isemle xäbärendä Rusiyä başqalası Mäskäwdäge Krasnaya presnya parkında 16nçı-18nçe iyün’dä Törkiyä festivaleneñ ütkäreläçägen yaza:

“”Mos.ru” saytı xäbär itüençä, çarağa kilüçelärgä Törkiyäneñ mädäniyäte, tarixı, tele häm ğoref-ğadätläre tanıtılaçaq. Festival’gä kilüçelär qul sänğätläre awılın qarıy alaçaq, çın Kapadokiya şarları belän oça alaçaq, suvenirlar ala alaçaq, kähwä falına kürsätä alaçaq häm törle ostaxanä êşçänlegendä qatnaşa alaçaq. Festival’gä Törkiyädän mäşhür “İskitkeç yözyıl” serialı aktyorları belän bergä sänğätçelär baraçaq. Monnan tış festival’ waqıtında Törkiyädä yal itü öçen 200 yal paketınıñ ciräbäse ütkäreläçäk.”



Bäyläneşle xäbärlär