TRT TV

Televideniye

Küp sanda milli häm regional’ televideniye tapşıruları urın alğan şartlarda Törkiyä häm dönyağa döres häm tarafsız xäbär birgän Törkiyä teleradiokompaniyäse TRT mäğarif, mädäniyat, dokumental’ fil’m, drama,sport, muzıka häm küñel açu tapşıruları belän Anadolunıñ 99%ına häm çik ar’yağına ireşep här yäş’tağe tamaşaçığa xezmät itä.

TRT tapşıruları törle yäş’,hönär häm mädäniyat däräcäsendäge tamaşaçılarğa tarafsız, döres ,añlayışlı xäbär birüne , mäğarif häm mädäniyat täräqqiyät’lärenä öleş kertüne, küñel açıp öyrätüne häm milli mädäniyat berläşüen tormışqa aşırunı maqsat itep quya.

TRT-1  - ğailä kanalı. Törkiyäneñ iñ küp qaralğan televideniye kanalı. Biredä mäğarif, mädäniyat, drama, muzıka, küñel açu, sport, xäbär programmaları urın ala. TRT-1 kanalın Törkiyäneñ här cirendä diyärlek häm internet aşa böten dönyada qararğa mömkin.

TRT WORLD - dönyağa tulısınça ingliz telendä tapşırular täq’dim itüçe kanal.Anıñ tapşıruları qıyu häm keşene üzäk itep alu añlayışına nigezlängän.

TRT–Xäbär -  könüzäk xäbär, säyäsät, analiz, bäxäs, sport, dokumental’ fil’m,mädäniyat häm sänğät’ kanalı. Döres häm tarafsız bulu prinśibına nigezlängän TRT Xäbär tormışnıñ bar yağın üz êkrannarında çağıldıra.

TRT Sport kanalı 2010 nçı yılnıñ avgust ayında açıldı. Kanal milli häm xalıqara barlıq sport çaraların yaqtırtıp barıp sportnıñ här tarmağına zur ähämiyät birä.

TRT Awaz üz êşen 2009 nçı yılnıñ mart ayında başlap cibärde. Kanal Üzbäkstan, Qazaqstan,Qırğızstan,Törekmänstan, Azärbaycan, Bosniya –Gerśegovina ,Albaniya häm Törkiyä bulu belän bergä 8 ildän häm bu illärneñ telendä Yıraq Könçığıştan Balkanğa qadär suzılğan geografik kiñlektä yäşäwçe törki dönyağa xezmät itä. TRT Awaz Törkiyä belän törki cömhüriyätlär arasında tel häm töşençä bergälegen täêmin itä. Şaqtıy törki teldä “tawış” mäğ’näsenä turı kilgän Awaz törki cömhüriyätlärneñ urtaq tawışı bularaq Yaqın Könçığıştan Kavkazğa qadär 27 il häm 13 üzidaräle cömhüriyättä yaqınça 250 million keşegä barıp ireşä.

TRT–Bala  kanalı -  zamana balalarınıñ animaśiya,muzıka, xäbär, sport ixtıyacların qanäğät’länderüçe kanal. Kanalnıñ maqsatı – fizik, ruxıy ,äxlaqi yaqtan saw-sälamät buınnar citeşterügä öleş kertü. TRT – Bala global’ pedagogik normalar belän sıyfatlı, zamança häm cawaplıllıq xise belän balalarnıñ üseşendä yul kürsätü prinśibına nigezlänä. Kanal törek tele häm mädäniyatınıñ döres itep tanıtıluın ,balalarnıñ uynap, küñel açıp öyränüen maqsat itep quya.  

TRT–Dokumental’ film kanalı - Törkiyäne ingliz, alman, franśuz,urıs häm törek tellärendä dönyağa tanıta. Tarix, cämğiyät’,tabiğät’, moxitne saqlaw, sport, mädäniyat – sänğät’ ,fän-belem, texnologiya tarmaqlarında dokumental’ fil’mnär äzerläwçe kanal 2009 nçı yılnıñ 17 nçe oktyabrendä açıldı.

Törkiyä häm dönya muzıkası yañğırawçı TRT – Muzıka kanalında bäygelär, muzıka belän bäyle dokumental’ film’när, konśertlar, iñ populyar 10 cır programması häm turıdan – turı tapşırular urın ala. 2009 nçı yılnıñ 16 nçı noyabrendä üz êşen başlap cibärgän kanal berence çiratta törek xalıq häm sänğät’ muzıkası  bulu belän bergä cirle häm çit il muzıkasın tanıta.

TRT – Äl Arabia kanalı Törkiyäneñ xalıqara häm ayıruça töbäk illäre belän mönäsäbätlären üsterügä öleş kertü maqsatı belän  2010 nçı yılnıñ aprel’ ayında tapşıruların başlap cibärde. Kanal Törkiyä häm ğaräp dönyasınıñ urtaq tele,urtaq êkranı bulu maqsatı belän törle yäş’täge tamaşaçığa bay êçtälekle balalar, yäş’lär, xatın-qızlar, sälamätlek, iq’tisad, drama,dokumental’ fil’m,sport, muzıka, xäbär, mädäniyat –sänğät’ ,din-äxlaq häm küñel açu tapşıruları täq’dim itä. TRT – Äl Arabia tapşıruları ğaräp telendä söyläşüçe 350 meñ keşelek ğaräp illärenä barıp ireşä.

Törkiyä teleradiokompaniyäse TRT häm Diyänät êşläre räislege yärdäme belän 2012 nçe yılda açılğan TRT–Diyänät kanalı - beraz TRT Anadolu kanalı belän çiratlaşıp tapşırular alıp barğannan soñ 2012 nçe yılnıñ Ramazan ayınnan birle täwlek buyı özleksez êşläwçe mädäniyat kanalı.

TRT–Törek kanalı - böten dönyağa nigezdä törekçä tapşırular ireşterüçe kanal. Törkiyäne häm töreklärne tanıtuçı xäbär, mädäniyat häm sänğät’  tapşıruları belän çit illärdä yäşäwçe watandaşlar häm qawemdäşlärneñ Törkiyä häm törek mädäniyatı belän bäyläneşlären nığıta.

TRT–Körd kanalı xalıqara kördçä tapşırular täq’dim itep Törkiyäneñ xalıqara häm ayıruça töbäk illäre belän mönäsäbätlären üsterügä öleş kertä. Kanal Törkiyäneñ bötenlege häm bergälegen maqsat itep quya .TRT–Körd - zamança normalarda törle yäş’täge tamaşaçılar qarawçı ğailä kanalı.

TRT–Mäktäp kanalında 2011 nçe yılnıñ ğinvar ayınnan başlap Anadolu universitetı äzerlägän däres programmaları häm mäğarif – mädäniyat programmaları belän bergä TRTneñ törle yäş’täge tamaşaçılarğa äzerlägän mäğarif-mädäniyat programmaları ,yäşlär öçen törle tapşırular kürsätelä, törle temalarğa qısqa beleşmälär birelä.

TRT–3 kanalı -  parlament tapşıruları urın alğan Törkiyä Böyek Millät Mäclese televideniyese häm TRT Sport kanalı.