• Video galeri

Pentagoni synon formimin e "forcës së sigurisë dhe stabilitetit të brendshëm" në Siri

Departamenti amerikan i Mbrojtjes (Pentagon) ndau një buxhet prej gjysmë miliardë dollarëve për organizatën separatiste terroriste PKK/KCK/PYD-YPG.

Pentagoni synon formimin e "forcës së sigurisë dhe stabilitetit të brendshëm" në Siri

Departamenti amerikan i Mbrojtjes (Pentagon) ndau një buxhet prej gjysmë miliardë dollarëve për organizatën separatiste terroriste PKK/KCK/PYD-YPG.

Sipas raportit për Sirinë, të përgatitur nga ana e Pentagonit, kjo shifër do të jetë më e lartë për 70 milionë dollarë nga buxheti që ShBA-ja ndau për organizatën terroriste një vit më parë.

Për listën gjithëpërfshirëse të armatimit që ShBA-ja do ti jap organizatës terroriste në të cilën janë përfshirë mjetet e transportit, mortaja, raketa antitanke dhe mitraloz, janë ndarë 433 milionë dollarë.

Në raport bëhet e ditur se do të jepen 3 mijë e 500 copë armë të rënda, ku secila ka koston prej 17 mijë dollarëve, ndërsa për 3 mijë e 500 copë armë këmbësorie të llojit “PKM” me kosto prej 3 mijë e 500 dollarëve për copë, është ndarë një buxhet në vlerë 20 milionë dollarëve.

Ndërkaq afërsisht 67 milionë dollarë të mbetura nga buxheti janë të ndara për shpenzimet e shëndetësisë dhe transportit të terroristëve.

 

Udhëheqja e Washingtonit nuk jep vetëm armatim organizatës terroriste, por shton edhe numrin e tyre.

Në raport në mes tjerash thuhet se numri i terroristëve, i cili arriti në 25 mijë, deri në fund të vitit do të dalë në 30 mijë.

Në anën tjetër në projektbuxhetin e Pentagonit për vitin 2019 janë ndarë gjithsej 550 milionë dollarë për luftën kundër DAESH-it, ku 300 milionë dollarë për trajnimin dhe pajisjen e organizatës separatiste terroriste PKK, ndërsa për “nevojat e sigurisë së kufijve gjatë misionit kundër DAESH-it” janë ndarë 250 milionë dollarë.

Tërheq vëmendjen edhe ndarja e fondeve për ushtrinë terroriste, e cila fillimisht do të formohej nën emrin e “forcave të sigurisë kufitare” nga ana e koalicionit ndërkombëtar të kryesuar nga ShBA-ja, e që do të përbëhej prej 30 mijë pjesëtarëve, ndërsa më pas ajo u cilësua si “forcë e sigurisë dhe stabilitetit të brendshëm”.



Lajme të ngjashme