د اورتادوکس مسیحیان په څو ډلو ویشل کیږي

د اوکراین د اورتادوکس کلیسا د روسیې د اورتادوکس کلیسا نه جلا شوه

د اورتادوکس مسیحیان په څو ډلو ویشل کیږي

د روسیې  د اورتادوکس  کلیسا د فنر روم لویې کلیسا لخوا د اوکراین د اورتادوکس د کلیسا د خپلواکۍ  د غوښتنې د منلو له امله  د فنر روم لویې کلیسا سره  د خپلو ټولو اړیکو د پرې کولو پریکړه وکړه.

د روسیې  د اورتادوکس  د کلیسا د بهرنیو اړیکو د چارو رئیس متروپولیت هیلاریون  د د بیلاروس په پلازمینه مینسک کې  جوړه شوې د روسیې د اورتادوکس کلیسا د شورا د عمومي غونډې نه وروسته د خبریالانو پوښتنې ځواب کړې.

هغه وویل چې دا غونډه په ځانګړې توګه  د فنر روم لویې کلیسا لخوا  د اوکراین د اورتادوکس کلیسا د خپلواکۍ د غوښتنې د منلو په مسلې خبرې وکړې.

هغه وویل چې  د همدې امله پدې غونډه کې  د فنر روم  لویې کلیسا سره چې مرکز يي په استانبول کې  دی  د ټولو اړیکو د پرې کولو پریکړه وشوه. هغه وویل چې  دا پریکړه  د مجبوریت په اساس  شوې ده  ځکه چې  د فنر روم کلیسا مونږ ته  بله  لاره او چاره  نوه پریښې.

د یادولو وړ ده چې  د فنر روم  لویې کلیسا  تیره اوونۍ  د اوکراین د اورتادوکس کلیسا  د روسیې د اورتادوکس د کلیسا نه د جلا کیدو او خپلواکۍ  غوښتنه منلې وه  .

د اورتاوکس  د کلیسا ګانو  د ویشلو  مسلې  پدې وروستیو کې  د کلیساګانو ترمنځه اړیکې ډیرې زیاتې خرابې کړي دي.

همداشان  د روسیې  د اورتادوکس  کلیسا  د فنر روم  د لویې کلیسا لخوا  د اوکراین د اورتادوکس کلیسا  د جلا کیدو او مستقل کیدو د غوښتنې د منلو له امله  ډیره سخته نیوکه کړې وه  او سخت غبرګون يي ښودلی وو. روسیې  ګواښ کړی وو که چیرې پدې پریکړه بیا کتنه ونشي  د لویې کلیسا سره به خپلې اړیکې پرې کړي.

لویې کلیسا  د اوکراین غوښتنه ومنله چې د همدې امله  روسیې  ورسره خپلې اړیکې وشلولې.



اړوند خبرونه