د مسلمانانو پر خلاف شرمونكى كمپاين!

په انګلستان كې نامعلومو كسانو د مسلمانانو پر خلاف " يو مسلمان ته سزا وركړه! " تر نامه لاندې يو كمپاين پيل كړى دى چې په هېواد كې د يو زيات شمېر مسلمانانو اندېښنه يې راپارولې ده.

د مسلمانانو پر خلاف شرمونكى كمپاين!

 

په انګلستان كې نامعلومو كسانو د مسلمانانو پر خلاف " يو مسلمان ته سزا وركړه! " تر نامه لاندې يو كمپاين پيل كړى دى چې په هېواد كې د يو زيات شمېر مسلمانانو اندېښنه يې راپارولې ده.

ددې هېواد په بېلابېلو ښارونو كې نامعلومو ډلو يو زيات شمېر كسانو ته ليكونه ليږلي دي چې په كې مسلمانانو ته بېلابېلې سزا ګانې په نظر كې نيول شوي دي.

په ليك كې بېلابېلې سزاګانې په نظر كې نيول شوي دي چې هرې يوې ته د ۱۰ نه تر ۵۰۰ پورې نومرې وركړل شوي. پدې اساس پر مسجدونو بريدونه يا يې سوځول تر ټولو لوړې نومرې او د حجاب لرونكو مېرمنو زورول، وهل، پر مخ يې اسيد پاشل، او ورته نورې سزاګانې ځانګړې نمرې لري.

د بله پلوه انګلستان پوليسو له مسلمانانو غوښتي دي چې پدې برخه كې دې له سړې سينې كار واخلي او خپل احساسات دې كنترول كړي. پوليس اوسمهمال ددې كمپاين د عاملينو په موندلو بوخت دى.

په انګلستان كې شاوخوا ۲ ميليونه ۸۰۰ زره مسلمانان ژوند كوي چې د هېواد د نفوسو ۴،۴ سلنه جوړوي.



اړوند خبرونه