اسرائیل ایران نی تهدید قیلدی

اسرائیل باش وزیری: اسرائیل نینگ صبرینی تاشیرمَنگ

اسرائیل ایران نی تهدید قیلدی

اسرائیل باش وزیری بونیامین ناتانیاهو ایران گه قره ته بیرگن بیاناتلریده, "اسرائیل نینگ صبرینی تاشیرمنگ" دییه قید ایتدی. 

ناتانیاهو, دوشنبه کونی روسیه و اسد رژیمی تامانیدن, سوریه نینگ حمص شهریده گی T-4 قونلغه سی گه قره ته اویوشتیریلگن هجوم بوییچه مسئول دیب کورسه تیلگن تل ابیب رهبریتی گه قرشی, ایران لیک بیر مقام نینگ "اوشبو هجوم نینگ جواب سیز قالیشی ممکن ایمس" شکلیده گی تهدیدی گه جواب قیتردی. 

شونده ی قیلیب ناتانیاهو, "اسرائیل نینگ صبرینی تاشیرمنگ" دییه قید ایتدی. 

ناتانیاهو, ایککینچی دنیا اوروشی جریانیده جان بیرگن یهودی لرنینگ ایسله نیشی بیلن علاقه لی ترتیب لنگن مراسمده قیلگن معروضه سیده ایران نی تهدید قیلدی. 

ناتانیاهو, "اسرائیل سیاستی نی اوچ جمله بیلن خلاصه قیلماقچی من: هجوم گه قرشی حمله, مدافعه و اسرائیل نی یوق ایتیش بیلن تهدید قیلیاتگن لر گه هجوم" دییه قید ایتدی. 

عینی دمده ناتانیاهو, ایران نینگ اسرائیل و همده برچه دنیا اولکه لرینی تهدید قیلیاتگن لیگی نی ادعا قیلرایکن, اوز سوزلرینی, "ایران رهبرلری گه بیر پیامیم بار: اسرائیل نینگ صبرینی تاشیرمنگ" شکلیده دوام ایتتیردی. 



علاقه لی ینگی لیکلر