تورکيه-اروپا بیرلیگی مناسبتلری: قَیته تیکلشگه احتیاج بارمی؟

سیاسی مقاله

تورکيه-اروپا بیرلیگی مناسبتلری: قَیته تیکلشگه احتیاج بارمی؟

تورکيه-اروپا بیرلیگی مناسبتلری: «قَیته تیکلشگه احتیاج بارمی؟»

تورکيه- اروپا بیرلیگی مناسبتلرینی قَیته تیکلش، اروپالیک ییتکچیلر نینگ بوندن بویان تینگسیزلیک و عدالتسیزلیک اساسیده بیران علاقه ‌نی دوام ایتتیریب بولمسلیگیگه اقرار بولیشی بیلن باغلیق.

تورکيه اروپا بیرلیگیگه قوشیلیش اوچون 2005 - ییلدن بیری نامزاد دولت ستا‌توسیگه ایگه‌.

تورکيه‌ نینگ اروپا بیلن بولگن مناسبتلریده بیر پیتلر کتّه‌ کیله‌جک وعده‌ قیلگن بو جریان 12 ییل آلدین هیچ کیم نینگ عقلیگه هم کیلمه ‌یدیگن شکلده ایشانچ یوقاتیش و امیدلرنی پوجگه چیقریشگه آلیب کیلدی.

منطقوي و محلي معمالر همده‌ انقراضلر تورکيه بیلن بعضی اروپا دولتلری اورته‌ سیده‌گی علاقه ‌لرگه خطور ییتکزدی. بو ایسه،  اروپا بیرلیگیگه اعضا بولیش جریانینی سیکینلشتیردی.

شبهه‌ سیز، تورکيه-اروپا بیرلیگی مناسبتلرینی توبدن اصلاح قیلیشگه احتیاج بار. بو فقط‌گینه ایکّله‌ تامان نینگ بیر-بیریگه نسبتاً عدالتلی، حقّاني و تینگ مناسبتده بولیشی بیلن رویابگه چیقه‌ دی.

تورکيه‌گه نسبتاً قتّيق تنقیدلر بعضاً، فایده‌ آلیب کیلیشی ممکن، لیکن هیچ کیمگه تینچلیک، خوفسیزلیک و فراوانلیک کیلتیرمه ‌یدی.

قیسقه ‌سی، بوگونگی کونده‌ دوچ کیلگن معمالر تورکيه و اروپا چیگره ‌لریدن هم آشیب، گلوبال بحرانلر اوج آلگن بیر دورده مسلمان و غرب جمعیتلری اورته ‌سیده‌گی علاقه‌ لرگه هم تأثیر کورسه ‌تماقده. اسلام و غرب عالمی انسانیت نینگ مشترک منفعتلریگه خذمت قیلمه‌ گونیچه، دنیاده تینچلیک تأمینلب بولمه‌ یدی، شونینگدیک اوز ارا حرمت و هم‌ جهتلیکده تینچ- تاتوو یشه ش مدنیتینی برپا ایتیب بولمه ‌یدی.

بعضی اروپا دولتلریده تورکيه‌گه نسبتاً دشمنلیک ایچکی سیاست نینگ اساسي عنصرلریدن بیریگه ایلندی. لیکن، 10 ییل آلدین نظر پسند قیلینمه‌گن بو معما بوگونگی کونگه کیلیب اساسي سیاست نینگ بیر بوله ‌گیگه ایلندی.

ایتیش جایزکه، اروپاده ایردوغانگه نسبتاً دشمنلیک نه ‌فقط اروپا دولتلری بیلن بولگن مناسبتلریمیزگه، بلکه‌ اروپا بیرلیگی چیگره ‌لری ترکیبیده یشه گن میلیونلب تورک وطنداشلرینی هم خوف آستیگه قویماقده.

تورکيه حاضرگی کونده‌ 1963 ییللرده‌گی اروپا اقتصادي جمعیتی گه اعضا بولماقچی بولگن ایسکی تورکيه ایمس. اهالیمیز 1960 ییللردن بویان 3 برابرگه کوپه‌ یدی، غیر صافی ایچکی محصولاتیمیز ایسه 1963 ییلدن بیری 80 برابرگه آشدی.

عینِ پیتده، بوگونگی اروپا هم 2000 ییللرده‌گی اروپا ایمس البته‌‌.

بوگونگی کونده‌ ایسکی قطعه‌ نیو-نا‌زی افراطی، مهاجر و مسلمانلرگه نسبتاً نفرت عیبی بیلن یادگه آلینماقده. اروپاده تیزکار روشده سلبي لشیب باره ‌یاتگن خوفسیزلیک محیطی، بعضی اروپا دولتلری نینگ تورکيه ‌نی اتفاققه قبول قیلمسلیک سعی- حرکتلری نتیجه ‌سیده تورک خلقی نینگ اروپا بیرلیگیگه قوشیلیش امیدینی کمه ‌یتیردی.

اروپالیک خلق ‌پرورلر مدنیتیمیزنی، سیلنگن ییتکچیلریمیزنی و منفعتلریمیزنی نشانگه آلر ایکن، بو زمان ایچیده تورکيه دایما ایجابي یانداشوو مناسبتده بولدی. آخرگی مرته‌، تورکيه‌ ده 2017 ییل نینگ اپریل آییده اوتکزیلگن اساسی قانون رفراندومیدن سونگ، جمهور رئیس رجب طیب ایردوغان جرمني باش وزیری انگیلا مرکل و باشقه‌ اروپالیک ییتکچیلر بیلن اوچره‌ شیب، مناسبتلرده ینگی صحیفه‌ آچیشگه حرکت قیلدی.

ایردوغان، بو اوچره شوولرنی آلمان حکومتی و ایریم اروپا دولت لری نینگ آره لریده تنیلگن گی کاکا و فتو اعضالری داخل اساسی قانونگه مخالف بولگنلرگه همکارلیک قیلیش و ینگی لیک طرفداری نینگ سیس لرینی، اوز چیگره لری ایچیده حیات کیچیریب تورگن تورک تبعه لریگه انتقال بیریشی گه مانع بولیب، تورکیه نینگ ایچکی ایشلریگه مدخل بولگنی گه قره مه ی عملی قیلدی.

رفراندوم نینگ آرتیدن اروپا بیرلیگی اداره چیلری بیلن بروکسیل ده آلیب باریلگن اوچره شووده جمهور رئیسیمیز تورکیه – اروپا بیرلیگی مناسبتینی تازه توتیش توغریسیده قاطع ایکنلرینی یینه تاکیید قیلدی. لیکن اروپاده افراطی راستگرانینگ اوج آلیب یوکسه لیشی بو موضوع نینگ آلغه باریشی گه مانع بولدی.

آلمانده اوتگن آی اتوکزیلگن سیلاو یینه بیر بار تورکه گه و جمهور رئیس ایردوغان گه قرشی آلیب باریلگن نفرت یاییلیب کیتدی. بیراق بو هم افراطی راستگرانینگ اروپاده گی یوکسه لیب کیتیشی گه مانع بولالمه یدی. آلمان نینگ کتته حزبلریدن بیرته سی نینگ رهبری کمپاین جریانیده اولکه میز بیلن تیگیشلی قتتیق بیاناتلر برگن بولسه لر هم، سیلاو نتیجه لری نتیجه بیر حقیقت نی یوزه گه چیقردی. باش وزیر مرکل نینگ حزبینی 2013 – ییلی سیلاولریده حمایه قیلگن بیر ملیوندن آرتیق کیشی بو سیلاوده عرقچی AfD حزبیدن حمایه قیلدی.

اینیقسه ایسکی شرقی آلمانده، چپ و راستگرا افراطی گروهلر مرکزی حزبلرگه قرشی جدی موفقیت قولگه کیریتدیلر. رادیکال حرکتلرنینگ آلمان اقتصادی یخشی بولیب تورگن پیتده بونچه موفق بولیشی فقیرلیک و رادیکال لش آره سیده گی مناسبتنی تیکشیریب چیقیش گه باعث بولگن دیر.

بیز اروپا اعضالیگینی سیاسی و اقتصادی و خوفسیزلیک بیلن علاقه لی اوله راق ستراتیژیک بیر آماج دیب ایته میز. تورکیه، کوپراق خطرگه قره ب بارگن دنیاده اروپانینگ خوفسیزلیگی اوچون مهم حصه قوشماقده. لیکن ایککی یوزلمه چیلیگی، تهدیدلری و علنی دشمن لیک نی قبول قیلیشگه راضی ایمس میز.

تورکیه – اروپا بیرلیگی مناسبتلری، اروپا بیرلیگی رهبرلری بو مناسبت نینگ عدالت سیزلیک و تینگ سیزلیک اساسیده آلغه بارمس لیگینی قبول قیلسه لر ترمیم بولیشی ممکن. تورک خلقی نینگ دموکراتیک ترجیح لریگه حرمت، تورکیه نینگ سیلنگن رهبریگه حرمت قیلیب، تورکیه گه قره ته تینگ شریک اوله راق معامله قیلیش گه تیارگرلیکلری بولیشی کیره ک.

بو وضعیت، تورکیه – اروپا بیرلیگی مهاجر کیلیشووی و اساسن اوزاق ییللر آلدین تورک تبعه لریگه بیریلیشی کیره ک بولگن شنگن ویزه سیز سیاحت حقی موضوعسینی هم اوز ایچیگه آلماقده. اروپا بیرگن سوزلری گه وفا قیلمه گنی کیچیک و تخنیکی بیر مسئله دیب کورمس لیکدن کیلماقده ایکن، تورکیه نی ایشنی خراب قیلیش بیلن عیبلش حق سیزلیک دیر.

اعتماد ایککی تامانلمه حرمت و همکارلیک بیلن علاقه لی بیر مناسبت، هم تورکیه همده اروپانینگ منفعتلری گه فایده سی بوله دی. بیراق بو بیر تامانلمه مناسبت ایمس دیر و بونی اثبات قیلیشی فقط تورکیه نینگ اوستیگه تشلنمه یدی. اروپا قیسی سبب بیلن بولسه هم، تورکیه ویا ایریم بیر اولکه گه آرقه اوگیرگنده بو اولکه لرنینگ باشقه امکانیتلردن استفاده قیلیشی طبیعی دیر.

بونینگ جاییده اروپالیکلر، 21 – عصرنینگ حقیقت لرینی کوزگه آلگنده باشقه لرگه کوره اوزلریگه کوپراق ضرر بیرگن اروپا – مرکزچیلیگی میراثی گه جواب بیریشی اوچون هر تامانلمه بیرگه لیکده حرکت قیلیش و تورکیه نینگ مشروع خوفسیزلیک قیغولریگه و منفعتلریگه ییترلی درجه ده توجه قیلیش لری کیره ک. تورکیه – اروپا بیرلیگی مناسبتلرینی قیته دن تیکلش اوچون ینگی بیر فضانینگ یوز بیریشی فقط بیر تامانلمه یانداشوو و سیاسی اویینلرنینگ اورنیده عدالت، توازن، اعتماد و حرمت کبی ارزشلرنی قوییشلری بیلن ممکن دیر.


لیبل: مقاله

علاقه لی ینگی لیکلر