خلق ارا حقوق گه کوره شمالی عراق ده رفراندوم جریانی

تحلیل تیکشیروو

خلق ارا حقوق گه کوره شمالی عراق ده رفراندوم جریانی

خلق ارا حقوق گه کوره شمالی عراق ده رفراندوم جریانی

2017 – ییلی 25 – سپتمبرده شمالی عراق منطقوی اداره سی مستقل لیک رفراندومی اوتکزه دی .  بیز هم بو پروگرامده رفراندوم نینگ قانونی می، ایمس می؟ دیگن معناده خلق ارا حقوق جهتیدن تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

جون آیی جریانیده شمالی عراق منطقوی اداره سی باشلیغی مسعود بارزانی مستقل لیک رفراندومی اوچون 2017 – ییلی 25 سپتمبر تاریخینی رسماً اعلان قیلدی. آرتیدن کرکوک ولایت مجلسی مذکور رفراندوم گه کرکوک شهری نینگ هم اشتراک ایتیشیدن خبر بیردی. لیکن شمالی عراق منطقوی اداره سی مستقل لیک رفراندومی گه خواهله گن ایچکی و تشقی همکارلیک نی قولگه کیریتالمه گن. عراق کردستان دموکرات حزبیدن تشقری ایریم حزبلر رفراندوم نی حمایه قیلیش لری بیلن تیگیشلی حاضرگچه بیانات بیرمه گنلر. منطقه ده بویوک بیر نفوسی بولگن تورکمنلر و عربلر هم رفراندوم گه قیزیق مه یدیلر. بیراق رفراندوم گه مانع بولیش اوچون قوللریده هیچ بیر سیاسی ویا قوراللی کوچ یوق. عرب و تورکمنلر کیلگوسی جریانده کوچ قازانسه لر توپراقلرینی قیتریب آلیش اوچون تورلی فعالیتنی قیله دیلر.

مینی نقطه نظریمدن بو رفراندوم گه مانع بولینمه گن تقدیرده؛ منطقه ده بویوک بیر اوروشگه باعث بولیشی ممکن. 1938 – مونیخ کیلیشووی نینگ آرتیدن یوز بیرگنلرگه اوخشش خونخوار بیر جریان نینگ یوز بیریشی ممکن.

شمالی عراقده اوتکزیله دیگن رفراندوم نینگ منطقه نینگ عمومی وضعیتی جهتیدن، عراق و مشروعیت جهتیدن جدی بیر شکلده توسیقلر موجود. اولاً شونی اظهار قیلماقچی من؛ عراق کوردلری نینگ جدا بولیش طلبی خود مختارلیک جهتیدن مشروع بیر ایستک ایمس دیر. بوگون عراق ده عراق جمهور رئیسی عراق نینگ کوردلریدن دیر. عراقده کردلرگه خاص مختار منطقه موجود ایمس دیر. عین دمده شمالی عراق تاریخی نینگ اینگ مرفع جریانی ایچیده دیر. عراقده کردلرگه و شمالی عراق منطقوی اداره سی گه قرشی کیچکینه گینه سیاسی ویا عسکری بیر بیر باسیم موجود ایمس. بناً اورته ده خود مختارلیک و جدائی لیک نی مشروع قیلووچی هیچ بیر جریان موجود ایمس. بوکبی کیفی خودمختارلیک خواستلر مشروع دیب قبول قیلینگنده کیلجکده عراق و ایریم اولکه لرده باشقه گروه لر هم ایریلماقچی بوله دیلر. حال بو که، بوگون خلق ارا حقوق نینگ اساسی قاعده سی دولتلرنینگ اولکه نینگ تمامیت ارضی و مستقل لیگینی محافظه قیلیشی دیر. بو قاعده خلق ارا جمعیت نینگ تینچ لیک و استقراری نینگ ضامنی اوله راق قبول قیلینماقده دیر. یعنی خلق ارا حقوق ده قوراللی کوچلردن استفاده قیلیش نینگ یگانه استثنائی وضعیتی بولگن مشروع مدافعه حقی اولکه نینگ تمامیت ارضی و مستقل لیگی نینگ خطرگه مواجع بولگن وقتلر اوچون لازم کوریلگن دیر. بناً رفراندوم جریانی باشده حقوقی نقطه نظردن هر جهتدن ایچیده معمالر موجوددیر. حتی شمالی عراقده گی کردلر آره سیده هم رفراندم گه مخالف بولگن و رفراندوم نی مشروع بولمه گن لیگینی ایتگن جدی بیر کتله موجود.

کرکوک ولایت مجلسی تامانیدن آلینگن قرار هم حقوق نینگ ضدی گه بولیب قابل اجراعات ایمس دیر. بو قرار اولاً اساسی قانون و عراق ده جاری بولیب تورگن لایحه سیگه قرشی دیر. کرکوک ولایتی مجلسی؛ تورکمن و عرب اعضالرنینگ هیچ بیر اشتراک ایتمه گن، 26 کرد اعضادن 24 ته سی قتنشگن رای گیرلیک ده 21 قبول رای بیلن رفراندوم گه اشتراک ایتیش تصمیمی آلگن. کرکوک ولایتی شوراسی نینگ بو قراری فقط کردلرنینگ رای لری بیلن آلینگن کردلردن تشقری بولگن هیچ بیر عنصر بو قرارنی قبول قیلمه گن لیگی اوچون بو قرار عراق نینگ نافض بولگن اساسی قانونی گه ضد بیر قرار دیر.

بوگون بارزانی و اونینگ متفقلری کنترول قیلیب تورگن و مستقل لیک اعلان قیلماقچی بولگن توپراقلر، تاریخی اوله راق تورکمنلرگه عائید دیر. تورکمنلرنینگ اته لری نینگ توپراقلری دیر. منطقه نینگ شو حاضر بارزانی تامانیدن اداره ایتلگن لیگی بو حقیقت گه اوزگریش کیلتیرمه یدی. منطقه نینگ چیگره سی ایچیده حیات کیچیریب تورگن نفوس نینگ کوپراغی تورکمن دیر. ییل لب بویی دوام ایتگن هجوملرگه بناً تورکمنلر بوگون عراقده حیات کیچیریش گه دوام ایتماقده لر و عراق نینگ موسیس عنصرلریدن دیرلر.

رفراندومدن چیقه دیگن جدائی لیک قراری نینگ قبول ایتیلیشی تقدیرده تورکمنلر و ایریم اتنیک و دینی گروهلر اوچون هم خود مختارلیک حقی مطرح بوله دی. بو قرارنینگ قبول ایتیلیشی تقدیرده شمالی عراق ده گی 1990 – ییلیدن آلدینگی نفوس – اتنیک ساختاریگه کوره برچه گروهلرنینگ جدالیک داخل تورلی طلب لری مشروع بوله دی. اگر کردلرنینگ عراقدن جدا بولیش حقلری بولسه، عراق ده حیات کیچیریب تورگن برچه اتنیک و دینی گروهلرنینگ هم ایریلیش گه حقلری باردیر.

بناً رفراندوم اوتکزیلگنده و ایریلیش قراری چیققنده عراق تورکمنلری نینگ هم عراقده کیلگوسی کونلرده بیر رفراندوم اوتکزیش طلبی مطرح بولیشی ممکن. عین دمده تورکیه جمهوریتی نینگ هم عراق بیلن تماس گه اوتیب تمامیت ارضینی تهدید قیلیب تورگن وضعیت لر بیلن تیگیشلی ایککی تامانلمه همکارلیک و هم جهت لیک کیلیشووی گه قول قوییشی هم کیلگوسی کونلرده مطرح بولیشی ممکن.    



علاقه لی ینگی لیکلر