ینگی قربانلر: روهینگیالیکلر

تحلیل و تیکشیروو

ینگی قربانلر: روهینگیالیکلر

ینگی قربانلر: روهینگیالیکلر

اوزاق مدتدن بیری بیر اقلیت اتنیک گروهی، یورتداشی بولگن حاکم اولکه‌ تامانیدن ترتیبلی روشده اولدیریلماقده، اویلری و شهرلری یاقیب یوباریلماقده. فقط‌ گینه اویلری و شهرلری یاقیلسه ینه‌ یخشی. انسانلر، باله ‌لر، کیکسه‌ ، خاتین- قیزلر دیمسدن یاقیب یوباریلماقده، یاکه قصاب پیچاقلری  بیلن پرچه‌ لنیب اولدیریلماقده. باله‌ لر، کیکسه ‌لر سووگه تشلنیب یوباریلیشی نتیجه ‌سیده  غرق بولماقده‌ لر. برچه‌ بو دهشتنی عملگه  آشیرگن بیر دولت و دولت باشقرووی تامانیدن حمایه‌ قیلینگن بودیست راحب، عسکر و  تینچ اهالیلر. اولدیریلگنلر ایسه روهینگیا ‌لیکلر ایمس، انسانیت نینگ خودّی  اوزیدیر.

 باشده بیرلشگن ملتلر تشکیلاتی بولیب بوتون خلق ‌ارا تشکیلاتلر بو قتل عاملرگه قرشی  جیم-جیت قالماقده. روهینگیا ‌لیکلر مسلمان بولیشلریگه قره‌مه ‌سدن اونلب اسلام دولتیدن  هم بیر رئاکسیون‌ کورسه‌ تیلگنی یوق. فقط ‌گینه تورکيه جمهوریتی جمهور رئیسی رجب طیب ایردوغان بو قتل عامگه عصیان ایتدی و دنیانینگ کون ترتیبیگه کیلتیردی

                      فقط‌ گینه انسان حقوقلری ایمس، اطراف- محیط و انسان حقلری  موضوعسیده جوده‌ سیزگیر حرکت قیلگن اروپا اتفاقی اولکه ‌لری نینگ برچه‌ سی بو وحشتگه اعتبارسیز قالدی.

          اروپا و غرب نینگ  برچه‌ انسان قدریتلری تخمیناً  35 ییلدن بیری، ینه‌  غرب عالمی تامانیدن یوق قیلیندی. و ایندی غرب نینگ قولیده هیچ بیر دلیل قالمه‌ دی. قچان که غرب و اینیقسه‌ اروپا اتفاقی « انسانلرگه، دیموکراسی» دیسه، برچه‌ بونینگ تگیده اقتصادي بیر منفعت نینگ بارلیگینی توشونه ‌دی.

        اوشبو  اچچیق  حقیقتنی وجدانی یوقلمه‌گن غربلیکلر هم جوده‌ یخشی بیله‌ دیلر.

        غرب، اوز قدریتلرینی توگه‌تیب اوزینی یوق قیلگن بیر مدنیت صفتیده تاریخده جای آله‌دی. و قورقه‌ من که بیز بو بحراننی کوره میز.

     غرب،  چارک عصر آلدین اروپا نینگ مرکزیده بوسنی و هرزگوین ‌ده صربلر تامانیدن  قیلینگن قیرغینگه کوز یومیب اوز اولیم فرمانینی امضاله‌ دی.  سونگره‌ لیبیا‌ده‌گی ایچکی اوروشده ‌گی اسلوبی. و البته‌‌ که عراق و افغانستاننی حقیقتگه تیا‌نمه‌گن ادعالر بیلن اشغال قیلیشی،  غربگه بولگن ایشانچ نینگ  یوق بولیش  نقطه‌ سیگه کیلتیردی.    عرب بهاریده‌گی اسلوبی بیلن ینه‌ بیر  بار امیدلرنی پوجگه چیقردی.

دموکرا‌تک میتود بیلن مصر خلقی کوپچیلیک بیلن  سیلنگن محمد مرثی نینگ تونتریلیش  واقعه‌ سیده حربي تونترووچیلردن ینه‌ دور آلیشی،  غرب ارزشلریلری نینگ آخرگی  باسقیچی ایدی فکریمچه.

            

تورکيه ‌ده هم دموکرا‌تیک میتودلر  بیلن سیلنگن جمهور رئیسنی تونتریشگه  حرکت قیلگن حربي تونترووچیلرنی حمایه‌ قیلیشی، ایکّی خیل یوزینی یقّال کورسه‌ تگن   سونگگی واقعه‌ ایدی. تورکيه ‌ده حربي تونتریشگه تشبث قیلگن عسکرلر، یوزلب تینچ اهالینی اولدیرگن، مینگلبینی  ایسه یره ‌له‌گنلر ایدی. غرب عالمی و اروپا اتفاقی، اوشبو تروریستلرگه قوچاق آچگن، برچه‌ قاچقینلرگه امتیاز بیرگنلر. بوگون عینِ غرب روهینگیا ‌ده‌گی دهشتگه هم اعتبارسیز قالیشی ایندی هیچ کیمنی غضبلنتیرمه ‌یدی. چونکه‌ انسانلر ایندی بیله‌ دی ک دموکراسی، تینگلیک، انسان حقلری، اخلاق کبی توشونچه ‌لر، غرب اوچون فقط‌ گینه منفعتلری اوچون ایشله‌ تیلگن بیرار واسطه‌ دیر.

روهینگیا ‌ده یوز بیرگن اصلیده سوريه، عراق ، لیبیا‌ده‌گی وکالت اوروشی نینگ بیر نمونه سی دیر.

غرب عالمی نینگ اینگ کتّه‌ حربي و اقتصادي کوچی، چین نینگ اقتصادي بیر کوچ صفتیده یوکسه ‌لیشینی و ایپک یولینی حیاتگه تطبیق ایتیشیگه  توسیق بولیش

دنیا نینگ دینگیز تجارتی نینگ یریمیدن کوپراغی آراکان بوغازیدن  اوته‌ دی. آراکان بوغازیگه  حاکم  بولگن منطقه‌ چین گه بارگن نفت و گاز نل پیپ لرینی اساسي یولی. چین اوچون جوده‌ مهم‌ بولگن بو ایکّی انرژی پیپ نل تهلکه ‌ده بولیشی، چین اقتصادیاتی گه سلبی تأثیر قالدیره‌دی.

بو پیپ نل، روهینگیا ‌دن اوتماقده. و میانمار دولتی، مستقل لیگینی قازانگن کوند‌ن بیری، روهینگیا  مسلمانلر اوستیده، هر تورلی باسیم  و شدّت تطبیق ایتیب کیلماقده. فقط 2010 دن بیری اوشبو باسیم، قیرغین و اتنیک تازه ‌لشگچه باردی. شدّتنی آرتتیردی و آنیدن آچلیک  بیلن دوچ کیلگن  روهینگیا ‌ده  زمانوي و  جوده‌ قیمت قوراللر بیلن جهازلنگن بیر ترور تشکیلاتی اورته ‌گه چیقدی. بو ترور تشکیلاتی سوزده روهینگیا ‌لرنینگ  حقلری اوچون کوره ‌شه ‌دی. فقط قیلگن هر حرکتی، روهینگیا ‌لرگه اولیم و سورگون صفتیده اورته‌گه چیقدی.

چین نینگ مهم‌ انرژی پیپ نلی و دینگیز تجارتی نینگ 80 فایزیگه یقین  بولیمی آراکان بوغازیدن  اوتماقده،  بو اولکه ‌نی تهدید صفتیده کورگن اقتصادیاتلرگه ینگی چاره‌ تدبیرلر تاپیشگه حرکت قیلدی.

افغانستان و عراقده  گویا  عاموي قیرغین قوراللرنی  برطرف ایتیش اوچون باستیریب کیرگن غرب عالمی کوچلری نینگ مقصدی جوده‌ فرقلی ایکنی معلوم بولدی. اتوم و قیرغین قورال بولمه‌گنی معلوم بولگندن کیین غرب عسکرلری هنوز بو اولکه ‌لرده نیمه‌ گه‌ توختب تورگنینی تدقیق قیلگن بیر ضیالی نینگ بولمسلیگی عجیب ایمس می؟

1991 دن بیری غرب نینگ یقین شرقده باشله ‌تگن وکالت اوروشی افسوس آسیاگه سراحت  قیلدی.

امید قیله‌ من میانمارنینگ دولت عقلی غالب  بولر  کیریب قالگن گِردابدن اوزینی قوتقرر.

روهینگیا ‌لیک مسلمانلرگه قتل قیرغین عملی قیلینیب منطقه‌ نینگ خوفسیزلیک، اتنیک و سیاسي خریطه ‌سینی اوزگرتیریش نیتنی کورسه ‌ته ‌دی.  بو واقعه‌ لر فقط ‌گینه روهینگیا ‌لیکلر بیلن چیکلنیب قالمس.  امید قیله ‌میز  دنیا اوشبو افلاس وکالت اوروشیگه ینه‌  کوپراق واسیله بولمس.



علاقه لی ینگی لیکلر