ایککی یوزلمه چیلیک

ابراهیم قالین مقاله سی

ایککی یوزلمه چیلیک

 

 

9- جون کونی ترکيه‌ نینگ باتمان ولایتی نینگ کوزلوک تومنیده بیر گروه پی کاکالی تروریست تامانیدن  اوغیرلنگن بیر مو‌ترگه پارتلاوچی آرتیب، شهر بلدیه باشلیغی ویسی ایشیق نینگ مو‌تریگه فیر قیلدی و  کیینچه ‌لیک  بیر ژاندارم تیکشیروو نقطه‌ سیده انفجار ماده سی آرتیلگن بیر  واسطه‌  پارتله ‌تیلدی. بلدیه باشلیغی ایشیق هجومدن قوتولدی لیکن، باشقه‌ واسطه‌ ده بولگن 22 یاشده‌ گی موزیک اوقوتووچیسی شینا‌ی آیبوکه یا‌لچین   ایسه قیلینگن فیر نتیجه ‌سیده حیاتدن کوز یومدی، بیر نفر عسکر سونر فضلی اوغلی هم شهید بولدی.

پی کاکا نینگ  آخرگی  هجومیگه خارج مطبوعاتی  ا‌ورین بیرمه ‌دی. دا‌یلي صباح و ترکيه‌ ده انگلیس تیلیده چاپ ایتیله ‌یاتگن بیر نیچه‌ خبر منبعسی نینگ تشقریسیده خارج مطبوعاتی نینگ هیچ بیری بو قیزنینگ فاجعه‌ لی  اولیمی بیلن قیزیقمه ‌دی. چونکه‌ صادر بولگن واقعه‌، پی کاکا و تشکیلات نینگ سوريه ترماغی بولگن YPG توغریسیده غربده موجود بولگن عمومي اعتقادگه ماس ایمس ایدی. پی کاکانی آقلش و ترکيه‌گه ترور بیلن کوره‌ شده ملاقات و مذاکره ‌لرنینگ اهمیتی باره‌ سیده وعظ بیریش اوچون هیچ بیر فرصتنی قولدن بیرمه ‌گنلر ایسه واقعه نی قاره ‌لش یاکه تعزیه‌  و همدردلیک  بیلدیریشگه حتا احتیاج حس ایتمه‌ دیلر.

ملاقات و مذاکره‌ سعی- حرکتی خلق ‌ارا مطبوعاتده، داعش یاکه القاعده‌ تروریگه قرشی  کوره‌شلریده غرب اولکه‌ لریگه هیچ قچان بیره آلمه ‌یدیگن بیر توصیه ‌دیر بو.  بو حقیقت بیزگه ، تاریخ نینگ هیچ بیر دوریده کوریلمه ‌گن  ایکّی یوزمه‌ چیلیک بیلن توله‌ بیر ترور اثناسیده  یشه گنیمیزنی ایسله ‌تماقده ‌دیر.

پی کاکا اوقوتووچیلر، سیاستچیلر و حربي بولمه ‌گن باشقه‌ کیشیلرنی نشان آلگن جنایتی نینگ اوزاق بیر تاریخي باردیر. تشکیلات، 1984 دن بیری 150 دن آرتیق اوقوتووچی نینگ اولیمیدن جوابگرلیکنی اوز ذمّه‌ سیگه آلدی. اوقوتووچیلرگه قرشی اویوشتیریلگن هجوملر بیلن  دولت ترتیبینی   بوزیش، کورد باله‌ لرینی  تعلیم فرصتلریدن محروم قیلیش و باشقه‌  اوقوتووچیلرنینگ  شرق و جَنوب شرق تومنلریده ایش تاپیش کبی  مقّدس مقصدلریگه ضرر بیریش. حتا، اینگ یامانی پی کاکا  هجوملریده بعضیلری  اوقوتووچیلرنی و تعلیم بیرووچیلرنی نشان آلیب کیلماقده. 1994- ییلی نینگ  سپتمبر آییده مکتبلر  باشله ‌گن پیت و بیرینچی کونی آلتی دولت مکتبینی تونچ ایلی شهر مرکزیده یوق قیلیش اوچون اویلریدن آلیب قاچیریلگن اوقوتووچیلر و محلي خلقنی اولدیریش جنایتینی تماشا‌ قیلیشگه مجبور قیلدی.

بیر آی سونگره‌ ینه‌ تورت نفر ایرزوروم نینگ تیکمن تومنیده پی کاکا تروریستلری تامانیدن اولدیریلدی. شبهه‌ سیز کی بو خبرلر بیر شکلده میدیا ‌ده ا‌ورین آلدی.

فقط هیچ بیر وقت انسانلر نینگ  ذهنیده   ا‌ورین آله ‌دیگن بیر سویه ‌گه ایریشه آلمه ‌دی، چونکه‌ بولر داعش گه قرشی اوروشگنلر  یخشی، انسانپرور ، ایرکین لیکچی  پی کاکا تروریستلرینی انگله‌ تگن ایکّی یوزلمه چی بیاناتلر  بیلن  ماس ایمسدی.

پی کاکا، خلق‌ارا حقوقده  قورالسیز خوفسیزلیک کوچلریگه قرشی جوده‌ کوپ سانده هجوم اویوشتیردی. بو هجوملر تشقریسیده، پی کاکا   1993 ییلی می آییده ترکيه‌ نینگ شرقيده‌گی  بینگول - ایلازیغ یولی اوستیده 33 نفر قورالسیز عسکرنی  شفقت سیز روشده اولدیردی. 2016- ییلی نوامبر آییده قیصاریده‌ گی حربي قیشله ‌گه اویوشتیریلگن بمب اورنه تیلگن واسطه‌ هجومی عاقبتیده 13 نفر عسکر هلاک بولدی. 36 نفر عسکر  ایسه یره ‌لندی. تشکیلات نینگ اتریش و جرمني کبی اولکه ‌لرده  تبلیغ نشر اورگانلری ایسه اوشبو هجومنی  جوده‌ مقته ‌دی. بیز بو موضوعلرنی اروپالیک رسميلر بیلن  محاکمه‌ قیلگنیمیزده رسميلر بونی  افاده‌ ایرکینلیگینی  بهانه‌ قیلدیلر. قچاندن بیری مطبوعات ایرکین لیگینی  سوء استعمال قیلیب ترور تشکیلاتی نینگ تبلیغینی  قیلماقچی؟ غربلیک دولتلر هر قنده‌ی بیر بهانه‌ بیلن تروریزم نینگ مقتش گه عجبا رخصت  بیره‌ دیلر می؟

البته‌‌ یوق. بوندن تشقری، اروپا و اامریکا قوشمه ایالتلریده صادر بولگن ترور هجوملریدن سونگره‌ بولگنیدیک،  حقلی روشده یورتداشلرینی حمایه‌ قیلیش اوچون  خوفسیزلیک چاره‌ - تدبیرلری  آلماقده‌ لر. اوشبو چاره‌ - تدبیرلرنی آلیش اولر نینگ حقی و هیچ کیم اولرنی عیبله‌ مه یدی. فقط، نیمه‌ اوچون ترکيه‌ نینگ ترور بیلن کوره‌ شی بحث موضوعسی  بولگنده،  بیز ایکّی یوزلمه چیلیک بیلن  دچار بوله ‌میز.

کوپلب جهتدن بو، خودّی «شرق اوچون یخشی» (bon pour l'orient) نظریه سی دیر. اروپاده موجود مرکزی چیلیک، موجود دنیا نظامیگه ایسه  چوقور تأثیر قالدیرگن  وضعیتده. اوشبو نظریه ده، ترور فقط‌ گینه غرب منفعتلریگه ضرر بیرگنده یامان و شاشیلینچ ییچیلیشی کیره ‌ک بولگن بیر معما صفتیده کوریله‌ دی. ترور اوز یامان یوزینی باشقه‌ جایلرده کورسه ‌تگنده ایسه غرب جهتیدن موضوع اوز اهمیتینی بای بیره‌ دی. فقط بو اوزینی اوزی یامان احوالگه تشله ‌گن بیر أسلوب دیر. چونکه‌ اوز ارا قره‌ ملی لیک آرتگن چاغیمیزده ایسه  برچه‌  اوزینی خوفسیزلیکده بولمه یدی. ترور نینگ یقین تاریخي بیزگه بونی کورستدی.

اوتگن ییللرده غرب میدیا تشکیلاتلری پی کاکا/ YPG تروریستلرینی رول مودل صفتیده نمایان قیلدی. 2014- ییلیده، داعش و YPG اورته‌ سیده ‌گی توقنه ‌شوولر کوبا نیده دوام  ایتر ایکن، فرانسیز مجله Marie Claire ، YPG صفیده فوتو صور‌تگه توشگن 12 و 14 یاشلرده ‌گی ایکّی باله‌ عسکرنی مقته‌گ نینی تنقید قیلدی.

باله‌ لرنینگ یاشلرینی  انیقله‌ گن مجله ایدیتورلری، بو باله‌ عسکرلر تأثیرلی فیگورلر صفتیده کورسه ‌تیلگن ایدی. فقط، پی کاکا نینگ جنایتلرینی آقلش و تروریستلرگه ینگی بیراعتبار بیریش اوچون آلیب باریلگن فعالیتلر بوگونکی  کونده‌ هم دوام ایتماقده. 2017- ییلی نینگ  مارچ آییده ترقه ‌تگن بیر مقاله‌ ده، نیویارک تایمز گزیته ‌سی، پی کاکا نینگ نامینی ذکر ایتمسدن توریب ترکيه ‌ده «دنیاوي کورتدلر و داعش پارتیزانلری» بولیب ایکّی تروریست گروه فعالیت آلیب بارگنیدن بحث ایتدی. باشقه‌ بیر خبرده، پی کاکا نینگ تروریست رهبرلری ، معصوم انسانلرنی اولدیریش اوچون عیال و ایرکک پارتیزانلریگه  وظیفه‌ تاپشیریشیدن  طرفدار  ایکنینی و شونده‌ ی قیلیب جنسیت تینگ لیگی گه خدمت قیلگنینی ایلگری سوردی.

شینا‌ی آیبوکه یا‌لچین نینگ اولیمی مطبوعاتده ا‌ورین آلیش شکلی، یاکه ا‌ورین تاپه آلمه‌ سلیگی،  اینگ یینگیل افاده‌ بیلن جوده‌  قورقیتووچی بیر احوال. دنیا پی کاکا تروریستلری اوز یوللری قرشیسی گه  چیققن انسانلرنی اولدیرر ایکن، حقارت قیلیب باسیم قیلر ایکن کورمسدن کیلیشی، قربانلریگه قرشی  ایشله‌گن جنایتلرنی  یینگیل لشتیرمه‌ یدی. ینه‌ یامانی، عینِ تشکیلات بوگونکی کونده‌ سوريه‌ نینگ شِمالیده بیر حدودنی نظارت قیلماقده. عفوتشکیلاتی کبی تشکیلاتلرگه  کوره‌ عینِ تشکیلات، هم کورد بولمه‌ گنلر همده‌ اوزلریگه مخالف کوردلرگه قرشی اوروش جنایتی ایشله ‌ماقده. بو انسانلر یورتلرینی ترک ایتیشگه مجبور قیلینماقده. غرب میدیا تشکیلاتلری البته‌‌ بو واقعه ‌لرنی بیر شکلده اوز کتابخوانلریگه  ییتکزیب بیرماقده. فقط، بو خبرلر هیچ بیر وقت حاکم بیر افاده‌ حالیگه کیلمه ‌یدی، یاکه انسانلر نینگ ذهنیده ا‌ورین آلگن و کوپلب مطبوعات تشکیلاتلری و سیاسي دایره ‌لرده میلیونلب بار تکرارلنگن بیر  حکایه‌ گه  ایلنمه‌ دی.

برچه‌ اوشبو واقعه ‌لر صادر بولر ایکن، اکتوبر آییده باتمانگه اوقوتووچی ایتیب تعیین لنیشینی نشانلش اوچون اجتماعي ترماغده تبسم قیلیب کولیب توریب  ا‌ورین آلگن شینا‌ی آیبوکه یا‌لچین کبی یاش اوقوتووچیلر، کوپلب نرسه ‌دن محروم باله ‌لر ینه‌ پارلاق  بیر کیله‌جک  بیره آلیش اوچون حیاتینی خوفگه سالیشگه دوام ایتماقده. اولر نینگ خاطره‌سینی و فعالیتلرینی دوام ایتتیریش ترور بیلن کوره ‌شده افاده‌ ایکّی یوزلمه چیلیک که  قرشی  کوره ‌ش برچه ‌میز نینگ اخلاقي مسوولیتیدیر.



علاقه لی ینگی لیکلر