خامنه ای: مسئوللر ایران خلقی نینگ طلب لریگه مثبت جواب بیرسین

خامنه ای اوشبو مطلب نی پایتخت تهرانده بولیب اوتگن بیر محفل جریانیده بیلدیردی

خامنه ای: مسئوللر ایران خلقی نینگ طلب لریگه مثبت جواب بیرسین

ایران نینگ دینی رهبری علی خامنه ای, خلق نینگ طلب لری بیلن بوزغنچیلیک قیلیاتگن کیشی لرنینگ فرقلی بولیشی کیره ک ایکن لیگی نی بیلدیردی. 

خامنه ای, ایران پایتختی تهرانده بولیب اوتگن بیر مراسم جریانیده قیلگن صحبتیده, مسئول لرنینگ خلق نینگ طلب لری گه قولاق سالیشی کیره ک ایکن لیگی نی بیلدیررایکن, حتی الامکان اوشبو طلب لر نینگ بجا کیلتیریلیشی نینگ ضروری ایکن لیگی نی معلوم قیلدی. 

علی خامنه ای, "خارجی اولکه لرنینگ خلق نینگ مشروع طلب لری نی عصیانگه ایلنتیریش بوییچه خیاللری پوچ گه چیقدی" دییه قید ایتدی. 

عینی دمده ایرانده دسامبر آیی نینگ 28 نچی کونیده باشله گن ناراضی چیلیک نمایش لری جریانیده قریب 3 مینگ 700 کیشی نینگ نظارت آستی گه آلینگن لیگی معلوم قیلیندی. 

ایران لیک بیر وکیل, اوشبو کیشی لرنینگ 40 الی 70 نفری نینگ اوقوچیلردن عبارت ایکن لیگی نی بیلدیردی. 

مسئول لر, اراک و تهرانده نظارت آستیده گی ایککی کیشی نینگ انتحار ایتگن لیک لری نی معلوم قیلدی.



علاقه لی ینگی لیکلر