افغانستانده یوقاری مرتبه لی بیر مقام اولدیریلدی

خودی منه شوو کیشی اویوشتیریلگن تروریستیک هجوم عاقبتیده جان بیردی

افغانستانده یوقاری مرتبه لی بیر مقام اولدیریلدی

افغانستانده امنیتی مقام لر پکتیا ولایتیده طالبان تامانیدن اویوشتیریلگن تروریستیک هجوم عاقبتیده اوشبو ولایت نینگ امنیه قوماندانی توریالی ابدیانی نینگ جان بیرگن لیگی نی تائید ایتدی.

بوگون ایرته لب طالبان تامانیدن پکتیا ولایتی امنیه قوماندان لیگی گه قره ته اویوشتیریلگن انتحاری هجوم عاقبتیده 20 کیشی جان بیررایکن, 70 نفر ایسه یره لندی. 

اوشبو جان بیرگن کیشی لر آره سیده پکتیا ولایتی امنیه قوماندانی توریالی ابدیانی نینگ هم موجود ایکن لیگی امنیتی مقام لر تامانیدن تائید ایتیلدی. 

خودی منه شوو انتحاری هجوم نینگ منفجره مواد یوکلنگن لاری و هاموی موتری دن فایده لنگن حالده اویوشتیریلگن لیگی بیلدیریلدی. 

ایریم شاهد لر ایسه اوشبو حادثه عاقبتیده 40 کیشی نینگ جان بیرگن لیگی بیلدیرماقده. 

آلینگن معلومات لر گه کوره, اوشبو جان بیرگن کیشی لر آره سیده پاسپورت آلیش اوچون امنیه قوماندان لیگی گه بارگن ملکی لر هم موجود. 

خودی منه شوو انتحاری حمله نینگ مسئولیتی نی ایسه طالبان اوز بوینی گه آلدی. 



علاقه لی ینگی لیکلر