امریکا تشقی ایشلر وزیری رکس تیلرسون وظیفه دن چیتلندیریلیشی بیلن علاقه لی بیانات بیردی

وظیفه دن چیتلندیریلگن امریکا قوشمه ایالتلری نینگ ایسکی تشقی ایشلر وزیری رکس تیلرسون مطبوعاتی کنفرانس اویوشتیردی

امریکا تشقی ایشلر وزیری رکس تیلرسون وظیفه دن چیتلندیریلیشی بیلن علاقه لی بیانات بیردی

رکس تیلرسون تشقی ایشلر وزیرلیگیده اویوشتیرگن مطبوعاتی کنفرانسده، دولت رهبری دونالد ترامپ نینگ ایر فورس (Air Force) اوچاغی بیلن کلفورنیاگه کیته یاتگن پیتده قونغراق قیلگنینی ایتدی.

رکس تیلرسون، وظیفه سی نینگ 31 – مارچ تاریخیده توگه ییشینی معلوم قیلیب، ایش اورتاقلریگه منتدارچیلیک بیلدیردی.

"وزیرلیکده گی اورتاقلریم گه تشکر ایتماقچی من. برچه میز ایشیمیزنی توغری – درست آلیب باریش اوچون قسم یاد ایتدیک. مین قسمیم نینگ عکسینچه حرکت قیلمه دیم. امریکا قوشمه ایالتلری نینگ اردوسی بیزدن حفاظت قیله دی. امریکالیکلر اوله راق اولرگه منتدارچیلیک بیلدیره میز. سوریه ده گی آتش کیسنی عملی قیلیب مینگلب انسان نینگ حیاتینی قوتقردیک" دیب ایتدی.

بوگون اوز وظیفه سینی اورینباسری جون سولیوانگه تسلیم بیریشیدن خبر بیرگن تیلرسون، امریکا قوشمه ایالتلری تشقی ایشلر وزیری ایتیب تعیین قیلینگن جون پامپیوگه ایش اوتیش جریانی اوچون فعالیت آلیب باررلیگینی قید ایتدی.

دولت باشلیغی دونالد ترامپ، تناون کون اجتماعی ترماق آرقه لی تیلرسوننی وظیفه دن چیتلندیرگنینی و اونینگ اورنیده امریکا قوشمه ایالتلری مرکزی خبرلشوو تشکیلاتی باشلیغی پامپیونی تعیین ایتیب اعلان قیلگن ایدی.

ترامپ کیین ایر فورس (Air Force) اوچاغی بیلن کلفورنیاگه کیتمه ی توروب آق اویده بیرگن بیاناتیده تیلرسون بیلن بعضی بیر موضوعلرده پرابلم لر یشه گنلرینی ایتگن ایدی.



علاقه لی ینگی لیکلر