امریکا مدافعه وزیری کوتیلمه گن بیر سفر بیلن کابل گه تشریف بویوردی

جیمز ماتیس طالبان نینگ مذاکره گه طرفدار ایکن لیگی نی بیلدیردی

امریکا مدافعه وزیری کوتیلمه گن بیر سفر بیلن کابل گه تشریف بویوردی

امریکا قوشمه ایالتلری مدافعه وزیری جیمز ماتیس بوگون (سه شنبه) کوتیلمه گن بیر سفر بیلن افغانستان پایتختی کابل گه تشریف بویوردی.

ماتیس طالبان گروهی نینگ ایریم عنصر لری نینگ افغانستان حکومتی بیلن تینچ لیک مذاکره لری نی آلیب باریش گه طرفدار ایکن لیگی نی بیلدیردی. 

بیر هفته آلدین افغانستان جمهوررئیسی محمد اشرف غنی طالبان گروهی بیلن تینچ لیک مذاکره لری نینگ آلیب باریله دیگن لیگی نی معلوم قیلگن ایدی. 

طالبان گروهی ایسه اشرف غنی نینگ اوشبو سوز لری گه هیچ قنده ی بیر عکس العمل کورستمه دی.

بیراق, جمهوررئیسی محمد اشرف غنی طالبان گروهی نینگ ایریم عنصر لری نینگ افغانستان حکومتی بیلن تینچ لیک مذاکره لری نی آلیب باریش گه طرفدار ایکن لیگی نی معلوم قیلدی. 

ماتیس نینگ اوشبو سفری آلدین دن اعلام قیلینمه گن لیگی  اوچون کوتیلمه گن بیر سفر دن عبارت بولدی. 

نظامی بیر جیت بیلن کابل گه کیلگن ماتیس هم, یولده ژورنالست لر بیلن قیلگن مصاحبه سیده, "طالبان گروهی نینگ ایریم عنصر لری افغانستان حکومتی بیلن تینچ لیک مذاکره لری نی آلیب باریش گه انیق روشده طرفدار" دییه قید ایتدی. 

اشرف غنی, طالبان گروهی نینگ سیاسی بیر حزب صفتیده تن آلینیشی کیره ک ایکن لیگی نی بیلدیررایکن, قوراللی مخالف لر ایسه افغانستان حکومتی بیلن ایمس, بلکه امریکا قوشمه ایالت لری بیلن تینچ لیک مذاکره لری آلیب باریش گه تیار ایکن لیک لری نی بیلدیردی. 

بیراق ماتیس, حاضرگی کونده اوشبو مذاکره لرنینگ افغانستان حکومتی ایتکچی لیگی ده آلیب باریلیشی کیره ک ایکن لیگی نی معلوم قیلدی. 



علاقه لی ینگی لیکلر