امریکا قوشمه ایالتلری نینگ PYD/YPG  گه قیلگن همکارلیگی نینگ خلق ارا قانونده گی جایی

سیاسی تحلیل

امریکا قوشمه ایالتلری نینگ PYD/YPG  گه قیلگن همکارلیگی نینگ خلق ارا قانونده گی جایی

امریکا قوشمه ایالتلری نینگ PYD/YPG  گه قیلگن همکارلیگی نینگ خلق ارا قانونده گی جایگاهی

امریکا قوشمه ایالتلری داعش ترور تشکیلاتینی برطرف ایتیش اوچون، سوریه توپراقلریدن تورکیه گه قره ته هجوم اویوشتیریب تورگن پی کاکانینگ بو اولکه ده گی قنادی PYD/YPG نی اوزی نینگ زمینی کوچی دیب اعلان قیلگن دیر. بناً امریکا قوشمه ایالتلری، بو جنگریلرنی سقیله قوراللر بیلن تجهیز قیلیب تربیه قیلیش نی معقول دیب کورگن دیر.

بو تروریزم گه قرشی کوره شده امریکا قوشمه ایالتلری خلق ارا قانونلر بیلن بیر قطار بیرلشگن ملتلر تشکیلاتی خوفسیزلیک شوراسی قرارلرینی بی اهمیت قیلیب قویگن دیر. خودی شو چوکاتده 11 سپتمبرده گی هجوملردن کیینگی جریانده بیرلشگن ملتلر تشکیلاتی خوفسیزلیک شوراسی تامانیدن 28 سپتمبر 2001 – ییلی 4385 – جلسه سیده قبول قیلینگن 1373 – رقم لیک قراریگه1[1] قره گنده تروریستیک هجوملرنینگ میتودلری و عملی قیلینیشی بیرلشگن ملتلرنینگ آماج و اساسلریگه ضد دیر. عین دمده تروریست حرکتلرنینگ تمویل قیلینیشی، پلانلنیشی و تشویق قیلینیشی نینگ هم شونینگدیک بیرلشگن ملتلرنینگ آماج و اساسلریگه ضد ایکن لیگی اعلان قیلینگنی کوریلماقده. اوشبو قرارده ترور تشکیلاتی منسوبلریگه جنگری تامین ایتیلیشی و تروریستلرگه قورال بیریلیشینی قید ایتیب، برچه دولتلرنینگ تروریستیک حادثه لرگه دخل بولگن کیشی ویا اداره لرگه اکتیف ویا غیر مستقیم همکارلیک قیلیشدن قول ترتیشی کیره ک لیگی قبول قیلینگن دیر. بیرلشگن ملتلر تشکیلاتی خوفسیزلیک شوراسی تامانیدن 2017 – ییلی قبول قیلینگن 2370 رقم لیک قرارده2[2] دولتلرنینگ تروریتلرگه همکارلیک قیلمس لیگی کیره ک لیگی گه دقت قره تیلگن.

موضوع بیلن تیگیشلی اوله راق 2018 – ییلی 3 فبروریده انادولو خبر آژانسی تامانیدن بیریلگن خبرگه[3] قره گنده، استانبول عالی بیلیم یورتی حقوق فاکولته سی جزا و جزا محکمه سی حقوقی بولیم باشلیغی پروفیسور آدم سوزو ایرنینگ ترور تشکیلاتی PYD/YPG گه قره ته امریکا قوشمه ایالتلری نینگ همکارلیگی نینگ بیرلشگن ملتلر تشکیلاتی خوفسیزلیک شوراسی نینگ قرارلریگه ضد ایکنلیگی ایتگن لیگی کوریلماقده دیر.

امریکا قوشمه ایالتلری نینگ بیر ترور تشکیلاتینی قورال بیلن تجهیز قیلیشی و منسوبلرینی تربیه لش کبی مستقیم تروریزمنی حمایه قیلیش فعالیتلریگه قول اورگن لیگینی معلوم قیلیب بونینگ بیرلشگن ملتلر تشکیلاتی خوفسیزلیک شوراسی آلگن 1371 (2001 ) و اوتگن ییل رای آرا بیلن قبول قیلینگن 2370 (2017) سان قراریگه ضدلیک تشکیل ایتگنینی قید ایتگن دیر. بحث ایتیلگن سونگی قرار بیلن بیرگه لیکده 1371 – قرارنینگ تکرار تصدیق ایتیلگنینی و دولت لرنینگ تروریستلرنی هیچ بیر شکلده حمایه قیلمس لیگی کیره ک دیگن موضوع نینگ یانیده عین دمده دولتنلرنینگ تروریستلرگه قورال بیریشی گه مانع بولینیشی کیره ک لیگینی هم اورغولنگن لیگی گه دقت قره تگن دیر. سوزو ایر خودی شو قرارنینگ 7 – ماده سی نینگ اعضا دولتلرنینگ ملی، منطقوی و خلق ارا سویه ده خلق ارا حقوققه مناسب بیر شکلده توقنه شوو منطقه لریده دولتلرنینگ تروریستلرگه قورال بیریشی گه قرشی تدبیر آلیش گه چقیرگنینی سوزلریگه علاوه قیلگن دیر.    

سوزو ایر، بیرلشگن ملتلر تشکیلاتی خوفسیزلیک کینگشی نینگ 1371 رقم قرار و خلق ارا حقوق نینگ عمومی اساسلریگه بناً بیر دولت نینگ قوراللی گروهلر ایجاد ایتیب، ایریم بیر دولت نینگ چیگره سیگه هجوم اویوشتیریلیشی گه تشویق ایتیشدن قول ترتیش گه مجبور ایکن لیگی اورغولنگن. "بناً امریکا قوشمه ایالتلری نینگ حقسیز مسؤلیت الیشی بیلن مسؤلیت گه قالیشی ممکن. بناً خلق ارا عدالت دیوانی گه مراجعه قیلیش مسئله سی مطرح بولیشی ممکن. بیرلشگن ملتلر خوفسیزلیک کینگشیده رد ایتیش حقی گه صاحب بولگن امریکا قوشمه ایالتلری اداره چیلری محکمه بوله دیگن جریانده ویا یوگوسلاویا مثالیده بولگنیدیک موقتی محکمه لر ایجاد ایتیش اونچه لیک ممکن ایمس. بو نقطه ده تورکیه ویا ایریم بیر اولکه اوزیگه قره ته بولسین بولمه سین تروریستیک جرملر اوز اولکه سیگه عملی بولمه سه هم محکمه قیلیش صلاحیتی گه ایگه دیر. مثلاً عراق اوروشیده عملگه آشیریلگن جرملر باعث امریکا قوشمه ایالتلری نینگ او وقتده گی اداره چیلرینی اولکه لر اوز محکمه لریده محکمه قیلیشلری ممکن. تورکیه هم PKK/PYD  گه بیرگن قوراللر باعث امریکا قوشمه ایالتلری نینگ اداره چیلرینی محکمه قیلیشی ممکن دیگن معناده بهالندیرگن دیر. پروفیسر سوزو ایر جزا حقوقی معناسیده امریکانینگ مسؤلیتی نینگ پی کاکا ترور تشکیلاتی نینگ قنادی بولمیش گروپلر اوستیده گی "کوچلی کنترولی" باعث یوزه گه چیقیشی نینگ ممکن ایکنینی معلوم قیلدی. امریکا قوشمه ایالتلری و سوریه نینگ خلق ارا جزا محکمه سی نینگ مخاطبی بولمه گنی گه هم دقت قره تگن دیر. خودی شو اوچون بوگونگچه ویتنام، افغانستان، عراق و لیبیا کبی اولکه لرده قول اوریلگن اوروش/ انسانلیک جرملری انچه اولکه ده ریجه لنگن قانلی تونتروولر و گوانتوناموده گی ظلملر باعث امریکا قوشمه ایالتلرینی خلق ارا جزا حقوقی جهتیدن مسؤل قیلووچی کوچلی بیر میکانیزم نینگ ایجاد ایتیلمه گنی گه اشاره قیلگن دیر.

بو معلومات گه قره گنده، ترور تشکیلاتی پی کاکانینگ سوریه ده گی قناتی بولمیش PYD/YPG نی تربیه لش، قورال و مهمات بیلن تامینله گن امریکا قوشمه ایالتلری نینگ 1373 و 2370 رقم قرارلر کبی بیرلشگن ملتلر خوفسیزلیک کینگشی نینگ تروریزم گه قرشی کوره ش چوکاتیده آلگن قرارلرینی مراعات قیلمه گنینی ایتیش ممکن دیر.

باشقه تاماندن، یقین تاریخی گه قره گنده، امریکا قوشمه ایالتلری نینگ شونگه اوخشش بیر اختلافنی نیکاراگوئه بیلن یشه گنی کوریلماقده دیر. موضوع واشنگتن نینگ ترور تشکیلاتلری بیلن همکارلیک و همجهتلیک قیلگن لیگی، جنگری لرنی تربیه قیلگن لیگی، تجهیز قیلگن لیگی و تمویل قیلگن لیگی اوچون 1980 – ییل نینگ 2 – یرمیده خلق ارا عدالت محکمه سیگه انتقال بیریلگن؛ محکمه نهائی قرارینی 1986 – ییلی بیرگن دیر. بونگه کوره، محکمه نینگ 1986 – ییلی 27 جون تاریخیده گی " نیکاراگوئه ده و نیکاراگوئه گه قرشی عسکری و اونینگ مقابلی فعالیتلر دعواسی بیلن تیگیشلی قراری موضوع بیلن علاقه لی مهم بیر مثالنی تشکیل بیرماقده دیر. 4[4]

نیکاراگوئه ده 1979 – ییلیده چپگرا سندینیستا تونترووچیلری تامانیدن راستگرا سوموزا تیزیمی برطرف ایتیلیب، ینگی بیر ائتلاف قوریلگن، بونینگ نتیجه سیده اقتدارنی آلگن سندینیستا  حکومتی، عسکری کوچینی کوچه یتیریب، او وقت نینگ سوسیالیست اولکه لر بیرلیگی و کوبا بیلن یقین مناسبت قوریش گه باشله گن دیر. بو وضعیت سوسیالیست عالمی گه قرشی جدی مجادله جریانیگه کیریشگن امریکا قوشمه ایالتلری نینگ منفعتلریگه ضد بولگن، امریکا قوشمه ایالتلری حکومتی سندینیستا تیزیمی گه مخالف بولمیش قوراللی کوچلرگه عسکری و لوجستیک همکارلیک عین دمده تخنیکی و استخباراتی اوله راق تربیه له گن دیر. نیکاراگوئه حکومتی امریکا قوشمه ایالتلری حمایه قیلگن گروپلر (کونترا) گه قرشی ناکام قالیشی بیلن خلق ارا عدالت محکمه سیگه امریکا قوشمه ایالتلریگه قرشی ایچکی ایشلریگه مداخله قیلگن لیگی و کوچیدن استفاده قیلگن لیگی باعث عسکری و یریم عسکری فعالیتلری آرقه لی تضمینات طلب قیلیب مراجعه قیلگن ایدی.

نیکاراگوئه مراجعه سیده، امریکانینگ بیرلشگن ملتلر تشکیلاتی و امریکا قوشمه ایالتلری گروهی قانونلریده اورین آلگن حکم لرینی مراعات قیلمه گنینی ایتگن ایدی. امریکا قوشمه ایالتلری ایسه بونگه محکمه نینگ و OEA کبی کوپ بعدلیک بیتیم لرنی مراعات قیلمه گنی بیلن تیگیشلی احتمالی بیر قرارنینگ فقط ایککی تاماننی ایمس، عین دمده بو کیلیشوولر بیلن ارتباطی بولگن ایریم دولتلرگه هم تاثیر قالدیریشی فکری بیلن قرشی چیققن ایدی. امریکا قوشمه ایالتلریگه کوره، محکمه نینگ برچه تامانلرنینگ تاییدی بولمه ی توروب بو دعوانی تیکشیریب چیقیش گه حقی بولمس ایدی. محکمه امریکا قوشمه ایالتلری بیان ایتگن سببلردن ایککینچی سینی مناسب دیب قبول قیلگن دیر. ایریم تامانلری بولگن لیگی اوچون دعوانی بیرلشگن ملتلر تشکیلاتی و خلق ارا عدالت محکمه سی اساسلری نینگ اخلالی اسالریده تیکشیریب چیقمه گن دیر. بیراق خلق ارا عنعنات حقوقی (droit coutumier)  و  عمومی امر قیلووچی حقوق (jus cogens)  نی اساس آلیب، خلق ارا حقوقنی مراعات قیلیب قیلمه گن لیگینی تعیین قیلیش صلاحیتی بولگنینی حکم قیلگن دیر. محکمه بو یولنی تعقیب ایتیب، آلیب بارگن تیکشیروو نتیجه سیده امریکا قوشمه ایالتلرینی قوییده گی اوچ خصوصده خلق ارا حقوق نینگ بنیادی اساسلرینی مراعات قیلمه گن لیگی یعنی اخلال قیلگن لیگی قرارینی بیرگن دیر.[5]

  • ایریم بیر دولت نینگ حاکمیتی گه قرشی زوروانلیک بیلن مداخله قیلیش.

محکمه گه کوره امریکا قوشمه ایالتلری بو اخلالنی قوراللی گروپ (کونترالر) گه قورال بیریب و تجهیز قیلگن و تمویل قیلیب عملگه آشیرگن دیر. بونگه سبب اوله راق امریکا قوشمه ایالتلری حمایه قیلگن کونترالر 1983 -84 ده Puerto-Sandino, Corinto, Potosi, San-Juan  گه قره ته هجوملری، نیکاراگوئه هوا ساحه سی نینگ اخلال قیلینیشی، دینگیز سوولری بیلن داخلی سوولری گه ماین اورنه تیلیشی کورستیلگن دیر.

  • انسانی حقوق نینگ (droit humanitaire)  عمومی اساسلریگه ضد حرکتلری و جسارتلنتیریش. محکمه بو معناده امریکا قوشمه ایالتلری اداره سی نینگ علنی و عملاً حمایه قیلگنینی، جبهه ئی اوروشلرده روانی عملیات قیلگن لیگی بیلن تیگیشلی عملاً دلیل لرگه دقت قره تگن دیر.
  • ایککی تامانلمه دوستلیک و تجاری بیتیملرنی مراعات قیلمس لیک. محکمه امریکا قوشمه ایالتلرینی نیکاراگوئه گه قره ته عملی قیلگن 1981 – ییلیده گی اقتصادی و 1985 – ییلیده گی عمومی تحریم نینگ ایککی تامان اورته سیده گی کیلیشووگه ضد ایکنینی اورغوله گن دیر.

دیون منه شو سببلر بیلن خلق اا عنعنات حقوقو گه بناً امریکا قوشمه ایالتلرینی نیکاراگوئه گه کیینراق تعیین ایتیله دیگن (17 ملیارد دالر) تضمینات توولش گه محکوم ایتگن دیر.

نیکاراگوئه دعواسیده دیوان تامانیدن 3 گه مقابل 12 رای بیلن قبول قیلگن قراری بعضی بیر نقطه نظردن اهمیت گه سزاواردیر. اولاً محکمه، امریکا قوشمه ایالتلری نینگ نیکاراگوئه حکومتی گه مخالف بولگن کوچلرگه قورال، تربیه لش، تجهیزات و مالی تمویل قیلگنی؛ بو همکارلیک بیلن نیکاراگوئه جمهوریتی گه قرشی زوروانلیک بیلن مداخله قیلیب بیر خلق ارا حقوق شرطنامه سی دایره سیده گی "ایریم دولت گه قرشی زوروانلیک قیلیش" حکم لرینی اخلال قیلگنینی و نیکاراگوئه نینگ ایچکی ایشلریگه مداخله قیلیب، مستقل لیگی گه ضرر بیرگنینی قرارلشتیرگندیر. بو قرارلرگه کوره، خلق ارا عدالت محکمه سی امریکا قوشمه ایالتلری نینگ کونترالرگه همکارلیک قیلگنینی  و انچه ساحه ده حمایه قیلگنینی معلوم قیلگن؛ شو سبب بیلن مذکور حادثه لردن امریکا قوشمه ایالتلرینی مسؤل توتیب نیکاراگوئه حکومتی منفعتی گه قرار آلگن دیر.  بو اولاً بیرلشگن ملتلر تشکیلاتی نینگ 2 – ماده سیده گی زوروانلیک قیلیش ممانعتی گه قرشی کیلیش و ایریم بیر دولت نینگ ایچکی ایشلریگه اره لشیش معناسیگه کیله دی. محکمه هم، امریکا قوشمه ایالتلرینی ایریم بیر دولت گه قرشی زوروانلیک بیلن کوچ استفاده قیلیشینی مدنظر آلگن حقوق قاعده سینی نیکاراگوئه قرشیسیده اخلال ایتگنینی گه قرار بیرگن دیر.[6] آرتیدن محکمه، امریکا قوشمه ایالتلری کونترالرگه قیلگن همکارلیک نینگ حجمینی هم تیکشیریب چیققن و بو همکارلیک نینگ قوراللی هجوم سویه سیده بولیب بولمه گن لیگینی تیکشیریب چیققن دیر. محکمه بو توغریده "قورال هجوم" اصطلاح سی نینگ فقط قوراللی کوچلر تامانیدن استفاده قیلینگن حرکتلردن عبارت ایکنینی معلوم قیلیب، کونتذالرگه قورال، لوجستیک ویا ایریم همکارلیکلرنی عملگه آشیرگنینی اوز ایچی گه آلمه گنینی افاده ایتگن دیر.

محکمه، دولت نینگ ایریم بیر دولت اولکه سیگه قوراللی جنگریلرجونتیشی نینگ قوراللی بیر هجوم اویوشتیریش ایکنینی؛ لیکن بو جنگریلرگه قورال همکارلیک قیلینیشی و یا همکارلیک قیلینیشی نینگ قوراللی بیر هجوم اوله راق قبول قیلینمس لیگینی معلوم قیلگن دیر. بناً بو کبی همکارلیکلرنینگ فقط زوروانلیک قیلیش، مخالفت و ایریم دولتلرنینگ ایچکی ایشلریگه مداخله اوله راق قبول قیلینرلیگی توشونیله دی. نیکاراگوئه دعواسی، مخالف گروپ ویا تشکیلاتلرگه دولت تامانیدن قورال و همکارلیک قیلینیشی نینگ قوراللی هجوم بیلن بیر توتیلمس لیگی بناً بونینگ ایریم دولتلرنینگ مشروع مدافعه حقیدن استفاده قیلیش صلاحیتی بیرمس لیگی گه قره ته بیر قرار چیقیشی اوچون اهمیت گه سزاوار ایمس دیر.[7]

محکمه نینگ بو منطقینی تعقیب ایتگن متخصصلر، تروریست گروهلر ویا شخصلرنینگ دولت نینگ ارگانی بولمه گنلری حالده، دولت تامانیدن حمایه بولیشلری ویا کنترول ایتگنلریده غیر رسمی دولت ملازیملری وضعیتی گه کیلیشلرینی ایتماقده. بناً دولت، پلانله گن، کنترول قیلگن ویا حمایه قیلگن کیشی ویا گروپلر تامانیدن آلیب باریلگن تروریستیک هجوملردن و بو هجوملرنی عینن اوزی نینگ ارگانلری عملی قیلگن دیک مسؤل بوله دی.[8] لیکن، دولتدن تشقری اکتورلر تامانیدن آلیب باریلگن هجوملرنینگ بیر دولت گه اضافه قیلینیب قیلینمس لیگی موضوعسی هم تیکشیریلیشی کیره ک بولگن موضوع دیر. انه ایندی خلق ارا عدالت محکمه سی، نیکاراگوئه دعواسیده امریکا قوشمه ایالتلری نینگ سندینیستا اداره سیگه و ملکی اهالی گه قرشی هجوملر اویوشتیرگن کونترالرگه قورال تامین ایتیب اقتصادی و لوجستیک همکارلیک قیلگنینی تثبیت ایتگن؛ بیراق امریکا قوشمه ایالتلری نینگ بو حرکتلری نینگ هجوم سویه سیده ایمس ایکنینی معلوم قیلیب، کونترالر ویا کونترالر تامانیدن اویوشتیریلگن هجوملر آرقه لی صلاحیتلی بیر تیکشیروو گه ایگه بولگن تقدیرده حقوقی مسؤلیتی نینگ بولرلیگی گه قرار بیرگن دیر. شو بیلن صلاحیتلی تیکشیروو درجه سی نینگ حدودلری نینگ نیمه بولگن لیگی بیلن علاقه لی بیر نرسه تعیین قیلینمه گن دیر. بو نقطه ده، امریکا قوشمه ایالتلری نینگ حقوقی مسؤلیتی نینگ یوزه گه چیقیشی اوچون نیکاراگوئه نینگ امریکا قوشمه ایالتلری نینگ کونترالر تامانیدن اویوشتیریلگن عملیات آرقه لی صلاحیتلی تیکشیرووگه صحاب بولیشینی اسباط قیلیش گه مجبور ایکنینی بیلدیرگن دیر.[9]

امریکا قوشمه ایالتلری کونترالرنینگ تشکیلاتلنیشی گه، تربیه لنیشی، تجهیزلنیشی گه یاردمچی بولگن و کونترالرنی رهنمالیک قیلیب، بعضی بیر عملیاتلرنینگ ریجه لنیشی گه حصه قوشگن دیر. بیراق محکمه، کونترالر اویوشتیرگن هجوملرنینگ امریکا قوشمه ایالتلری نینگ بوینیگه تشله نیشی اوچون کیره ک بولگن حدودنی یوکسک قیلیب تعیین ایتگن. امریکا قوشمه ایالتلری نینگ کونترالر اوستیگه صلاحیتلی بیر کنترول گه ایگه بولمه گنی و کونترالرنینگ امریکا قوشمه ایالتلرینی عملا(de facto)  ارگانی وضعیتی گه کیلمه گنی قرارینی آلگندیر. محکمه کونترالر اویوشتیرگن هجوملرنینگ امریکا قوشمه ایالتلری نینگ بوینیگه تشلنه دیگن درجه ده  امریکا قوشمه ایالتلریگه باغلیغ بولمه گنلری سببی بیلن امریکا قوشمه ایالتلری جهتیدن مستقیم بیر هجوم نینگ بولمه گنی گه حکم قیلگن دیر.

خلاصه، دولت نینگ ایریم بیر دولت گه قرشی توخته گنلرگه قورال یاردم ایتیشی نینگ و لوجستیک، اقتصادی همکارلیک، تربیه لش و معلومات همکارلیگی عملگه آشیریشی نین بیرلشگن ملتلر تشکیلاتی کیلیشوویده ترتیب لنگن هم ایچکی ایشلرگه اره لشمس لیک اساسی گه همده زوروانلیک قاونی گه ضدلیک ایکنینی؛ لیکن بو یاردملرنینگ قوراللی هجوم اوله راق قبول قیلینمس لیگینی ایتیش ممکن دیر. بناً بو یوللرن قیسی بولسه هم نتیجه ده منفعتلری خطر آستیگه قالگن دولت لرنینگ مشروع مدافعه دایره سیده زوروانلیک که مراجعه قیلیشلرگه حقلری یوقدیر.[10] شو بیلن جدائی او جدائی گه باعث بولگن دولت گه بیر تضمینات حکمی کیلتیریشی ممکن. بونینگ هم تضمینات توولش گه محکوم ایتیلگن دولت نینگ خلق ارا مقیاسدهاعتبارینی قولدن بیریشی گه سبب بولیشی آشکاردیر.

تروریستلرگه مینگلب تیلر قورال بیرگن امریکا قوشمه ایالتلری محکمه گه بیریلگن تقدیرده، اولاً PYD/YPG بیلن پی کاکا اورته سیده گی ارتباط نینگ تارتیشیلیش احتمالی باردیر. بو نقطه ده، 2016 –ییلی نینگ اپریل آییده او وقت نینگ مدافعه وزیری اشتون کارتر، سناتونینگ قوراللی خذمتلر کمیته سیده سناتورلرنینگ سواللرینی جوابله گونچه پی کاکا بیلن PYD/YPG نینگ مناسبتی توغریسیده بیر گن بیاناتی میدیاگه انعکاس قیلگن ایدی.[11] سناتور لیندسی گراهام تامانیدن مطرح بولگن PYD/YPG نی ایشیتگن میسیز؟ دیگن سوالگه "اینگ" دیب جواب بیرگن کارتر، سناتورنینگ "بولر کیم دیر؟" دیگن سوالی گه ایسه "کرد گروپلر" دیب جوابله گن دیر. گراهام PYD،YPG نینگ قوراللی قنادی می؟ دیب قیلگن سوالی گه "هه توغری" دیب جواب بیرگن کارتر؛ گراهام تامانیدن مطرح قیلینگن "راپورلر، بولرنینگ پی کاکا بیلن ارتباطی ویا مهم مناسبتی بولگنینی کورستماقده. بو شونده ی می؟ دیگن سوالگه هم "هه" دیب جواب قیترگن ایدی.[12] گراهام، پی کاکانینگ تورکیه اوچون ترور تشکیلاتی ایکنینی ایتگنی گه کارتر جواب اوله راق "پی کاکا فقط تورکیه نینگ ایمس، امریکا قوشمه ایالتلری اوچون هم ترور تشکیلاتی دیر" دیب ایتگن ایدی. کارتر پی کاکا PYD/YPG مناسبتلری توغریسیده اوز صحبتیده اورین بیرگن خصوصیتلرنی واشنگتن اداره سی نینگ یوقاری سویه سیدن بیریلگن بیر بیانات اوله راق اویلش ممکن.

موضوع بیلن علاقه لی اوله راق، پسته روزنامه سی نینگ جاری ییلی فبرور آیی نینگ 7 سیده گی یازوویده،[13] تورکیه، ترور تشکیلاتی پی کاکانینگ سوریه ده گی ترماغی PYD/YPG گه قورال بیرگن لیگی باعث امریکا قوشمه ایالتلری گه قرشی دعوا آچیش تیارگرلیگی کوریب توگنینی یازگن ندیم شنر، بو توغریده کیچ گه قالگن لیگینی ایتگن ایدی. بونقه بیر دعوا آچیلگنده، تروریستلرگه قورال بیرگن امریکا قوشمه ایالتلری نینگ PYD/YPG بیلن پی کاکا اورته سیده بونقه بیر مناسبت بولمه گنی بیلن علاقه لی ادعاسینی مطرح قیلرلیگینی؛ لیکن، پی کاکا- PYD/YPG مناسبتی توغریسیده امریکا قوشمه ایالتلری اداره سی نینگ قولیده هم راپورلر بولگنینی افاده ایتگن دیر. درحقیقت کوپ دلیل آختریش گه کیره ک یوق دیب ایتگن شنر، 2016 – ییلی اپریل آییده امریکا قوشمه ایالتلری ساتوسی نینگ قوراللی خذمتلر کمیته سیده سناتور لیندسی گراهام نینگ سواللرینی جوابله گن او وقت نینگ امریکا قوشمه ایالتلری مدافعه وزیری اشتون کارترنینگ بو مناسبتنی قبول قیلگنینی معلوم قیلگن و شو بیلن امریکا قوشمه ایالتلرینی محکوم ایتدیره دیگن دلیل نینگ امریکا قوشمه ایالتلری سناتوسیده ثبت ایکنینی قوشیمچه قیلگن دیر.  

 

 

باشقه تاماندن، سونگی پیتلرده ملی میدیاده موضوع بیلن تیگیشلی انچه خبرنینگ چیققن لیگی کوریلماقده.[14] خودی شو خبرلرده عموماً امریکا قوشمه ایالتلری نینگ سوریه ده ترور تشکیلاتی پی کاکانینگ اکتیف رول آلگن لیگی،  YPG   گه قیلگن همکارلیگی بیلن علاقه لی تارتیشوولرده تورکیه نینگ حق به جانب ایکن لیگی نینگ خلق ارا مقیاسده مطرح قیلینیشی فکرلری نینگ ایتیلگنی بیلدیرلماقده و امریکا قوشمه ایالتلری نینگ قورال یاردم ایتگنی و لوجستیک یاردم بیرگنی PYD/YPG  بیلن پی کاکا مناسبتی نینگ اثباتلنگنی گه قره ب، امریکا قوشمه ایالتلری اداره سی نینگ امریکا اساسی قانونی گه کوره جرم قیلگن لیگی، بونینگ هم دعوا موضوعسی قیلینیشی نینگ ممکن ایکن لیگی افاده ایدیلماقده دیر. بو نقطه ده بارک أوباما دولت رئیسی بولگن دورده آق اویده قوریلگن تروریزم گه قرشی کوره ش استخبارات شعبه سی نینگ راپوری ایسله تیلماقده و راپورده PYD   و پی کاکانینگ مناسبتی گه تماس قیلینگن لیگی معلوم قیلینیب، امریکا قوشمه ایالتلری اساسی قانونیده اورین آلگن "لیستی تیارلنگن ترور تشکیلاتلریگه همکارلیک قیلیش قانونی جرم دیر" حکمی نینگ مطرح قیلینرلیگی نینگ مطرح ایکن لیگی قید ایتیلماقده.  

 


[1] 28 Eylül 2001 tarihli ve 1373 sayılı Birleşmiş Milletler Güvenlik Konseyi kararı için bkz.

https://www.un.org/en/sc/ctc/specialmeetings/2012/docs/United%20Nations%20Security%20Council%20Resolution%201373%20(2001).pdf

[2] 2 Ağustos 2017 tarihli ve 2370 sayılı Birleşmiş Milletler Güvenlik Konseyi Kararı için bkz.

 https://www.un.org/press/en/2017/sc12938.doc.htm

[4] Akın Özçer, “Adalet Divanı ABD’yi Nasıl Mahkûm Etmişti?”, Serbestiyet, 06 Şubat 2018.

http://serbestiyet.com/yazarlar/akin-ozcer/adalet-divani-abdyi-nasil-mahkum-etmisti-845450

[5] Akın Özçer, “Adalet Divanı ABD’yi Nasıl Mahkûm Etmişti?”, Serbestiyet, 06 Şubat 2018.

http://serbestiyet.com/yazarlar/akin-ozcer/adalet-divani-abdyi-nasil-mahkum-etmisti-845450

[6] Case Concerning Military And Paramilitary Activities In And Against Nicaragua (Nicaragua V. United States Of America), International Court Of Justice, 27 Haziran 1986.

http://www.icj-cij.org/files/case-related/70/070-19860627-JUD-01-00-EN.pdf

 

[7] Eren Alper Yılmaz ve Orhan Irk, “Nikaragua Divan Kararları Işığında Kuvvet Kullanma Ve Meşru Müdafaa Sorunu”, Celal Bayar Üniversitesi Sosyal Bilimler Dergisi, Cilt:13, Sayı:2, Haziran 2015, s. 159.

[8] Ahmet Hamdi Topal, “Uluslararası Hukukta Devlet Destekli Terörizme Karşı Kuvvet Kullanma”, Doktora Tezi, Ankara Üniversitesi Sosyal Bilimler Enstitüsü, 2004, Ankara, s. 158

 

[9] A.g.e, s. 165.

[10] Yılmaz ve Irk, a.g.m, s. 158

[13] Nedim Şener, “Aranan Delil ABD Senatosu’nda”, Posta, 7 Şubat 2018.

http://www.posta.com.tr/aranan-delil-abd-senatosu-nda-nedim-sener-yazisi-1379577


لیبل: تحلیل

علاقه لی ینگی لیکلر